തിരുവനന്തപുരം : പിഎസ്‌സി ചോദ്യകർത്താക്കളുടെ പേരുകൾ അന്വേഷണ സംഘത്തിന് നൽകില്ല. ഇതാണ് പിഎസ്‌സിയുടെ പുതിയ നിലപാട്. പ്ലാനിങ് ബോർഡ് ചീഫ് പരീക്ഷ ഉൾപ്പെടെയുള്ള പരീക്ഷകളാണ് വിഷയം. ഒരു പരീക്ഷയുടെയും ചോദ്യകർത്താക്കളുടെ പേര് നൽകില്ലെന്നാണ് വ്യക്തമാക്കിയത്. രഹസ്യ പരീക്ഷാ സംവിധാനത്തിന് ഭീഷണിയാകുമെന്നാണ് ന്യായം. പിഎസ്‌സി ചെയർമാൻ നേരിട്ടാണ് ചോദ്യകർത്താക്കളുടെ പാനൽ നിശ്ചയിക്കുന്നത്. ഇടതു സർവീസ് സംഘടനാ നേതാക്കളാണ് ചോദ്യങ്ങൾ തയാറാക്കുന്നതെന്ന് ആരോപണമുണ്ട്. ചില പരീക്ഷകളുടെ ചോദ്യങ്ങൾ നേരത്തേ ചോർന്നിരുന്നു. ഇതുവഴി ഇടതു അനുകൂലികൾ റാങ്ക് പട്ടികയിൽ കയറിയെന്നും ആരോപണമുണ്ട്.