തിരുവനന്തപുരം : സംസ്ഥാന ആസൂത്രണ ബോർഡിലെ നിയമന ക്രമക്കേട് ആരോപണവുമായി ബന്ധപ്പെട്ട അന്വേഷണത്തിൽ പിഎസ്സി നിലപാട് മാറ്റി. ഉദ്യോഗാർഥിക്ക് പരീക്ഷാ രേഖകൾ കൈമാറണമെന്ന വിവരാവകാശ കമ്മിഷന്റെ നിർദേശം നേരത്തെ തള്ളിയ പിഎസ്സി, ഇപ്പോൾ ക്രൈംബ്രാഞ്ച് അന്വേഷണസംഘത്തിന് മുന്നിൽ വഴങ്ങിയിരിക്കുകയാണ്. പ്ലാനിങ് ബോർഡ് ചീഫ് തസ്തികയിലേക്കുള്ള പരീക്ഷയുടെ മൂല്യനിർണയവുമായി ബന്ധപ്പെട്ട് ക്രൈംബ്രാഞ്ച് ചോദിച്ച രേഖകൾ മുഴുവനും കൈമാറി. ചോദ്യപ്പേപ്പർ, ഉത്തരക്കടലാസുകൾ, ഓൺ സ്ക്രീൻ മാർക്കിങ് (ഒഎസ്എം) രേഖകൾ, മൂല്യനിർണയവും അഭിമുഖവും നടത്തിയ ഉദ്യോഗസ്ഥരുടെ പേരുവിവരങ്ങൾ എന്നിവയാണ് അന്വേഷണത്തിന്റെ ഭാഗമായി
Kerala, Kerala HD, Latest News, Latest News HD, Top News, Top News HD
ചോദ്യകർത്താക്കളുടെ പേര് നൽകില്ല! പിഎസ്സിയുടെ ‘സ്വകാര്യ രഹസ്യ’ നിലപാട്; 10 ചോദ്യങ്ങൾ മൂല്യനിർണയം നടത്താതെ റാങ്ക് ലിസ്റ്റ്, ഇടത് നേതാവിന് ഒന്നാം റാങ്ക്
തിരുവനന്തപുരം : പിഎസ്സി ചോദ്യകർത്താക്കളുടെ പേരുകൾ അന്വേഷണ സംഘത്തിന് നൽകില്ല. ഇതാണ് പിഎസ്സിയുടെ പുതിയ നിലപാട്. പ്ലാനിങ് ബോർഡ് ചീഫ് പരീക്ഷ ഉൾപ്പെടെയുള്ള പരീക്ഷകളാണ് വിഷയം. ഒരു പരീക്ഷയുടെയും ചോദ്യകർത്താക്കളുടെ പേര് നൽകില്ലെന്നാണ് വ്യക്തമാക്കിയത്. രഹസ്യ പരീക്ഷാ സംവിധാനത്തിന് ഭീഷണിയാകുമെന്നാണ് ന്യായം. പിഎസ്സി ചെയർമാൻ നേരിട്ടാണ് ചോദ്യകർത്താക്കളുടെ പാനൽ നിശ്ചയിക്കുന്നത്. ഇടതു സർവീസ് സംഘടനാ നേതാക്കളാണ് ചോദ്യങ്ങൾ തയാറാക്കുന്നതെന്ന് ആരോപണമുണ്ട്. ചില പരീക്ഷകളുടെ ചോദ്യങ്ങൾ നേരത്തേ ചോർന്നിരുന്നു. ഇതുവഴി ഇടതു അനുകൂലികൾ റാങ്ക് പട്ടികയിൽ കയറിയെന്നും ആരോപണമുണ്ട്.