ശ്രീനഗര്: ജമ്മു കശ്മീരിലെ കുല്ഗാമില് ഭീകരര് നടത്തിയ വെടിവെപ്പില് പരിക്കേറ്റ് ചികിത്സയിലായിരുന്ന രണ്ടാമത്തെ ഇതരസംസ്ഥാന തൊഴിലാളിയും മരണത്തിന് കീഴടങ്ങി. ഇതോടെ സംഭവത്തില് മരിച്ചവരുടെ എണ്ണം രണ്ടായി.
കൊച്ചിയിൽ മോഹൻലാലിനൊപ്പം വിജയ്; ലഹരിയോട് ഇനി തമിഴ്നാടും ‘നോ’ പറയും, ‘തൂഫാൻ’ ക്യാമ്പയിൻ വ്യാപിക്കുന്നു
ചത്തീസ്ഗഡ് സ്വദേശിയായ ഭൂപേന്ദ്ര (28) ആണ് ഞായറാഴ്ച പുലര്ച്ചെ ആശുപത്രിയില് വെച്ച് മരിച്ചത്. വെടിവെപ്പുണ്ടായ ഉടന് തന്നെ സഹപ്രവര്ത്തകനായ ദീപക് റാത്തോഡ് (24) സംഭവസ്ഥലത്തു വെച്ച് തന്നെ മരിച്ചിരുന്നു.വെള്ളിയാഴ്ച രാത്രി 8:15 ഓടെ കുല്ഗാമിലെ കേലാം മേഖലയിലുള്ള ഇഷ്ടികച്ചൂളയിലാണ് സംഭവം നടന്നത്. ഇവിടെ എത്തിയ രണ്ട് ഭീകരര് തൊഴിലാളികളുടെ പേരുകള് ചോദിച്ചറിഞ്ഞ ശേഷം തൊട്ടടുത്തുനിന്ന് വെടിയുതിര്ക്കുകയായിരുന്നു. ഇരുവരും രക്തത്തില് കുളിച്ചു വീണതോടെ മരിച്ചെന്നു കരുതി ഭീകരര് രക്ഷപ്പെട്ടു.തുടര്ന്ന് നാട്ടുകാരും മറ്റ് തൊഴിലാളികളും ചേര്ന്ന് ഇവരെ അനന്ത്നാഗ് മെഡിക്കല് കോളേജ് ആശുപത്രിയില് എത്തിച്ചെങ്കിലും ദീപക് വഴിമധ്യേ മരിച്ചിരുന്നു. പരിക്കുകളോടെ ചികിത്സയിലായിരുന്ന ഭൂപേന്ദ്രയും പിന്നീട് മരണത്തിന് കീഴടങ്ങി.
പത്ത് ദിവസത്തിനിടെ കശ്മീരില് നടക്കുന്ന രണ്ടാമത്തെ വലിയ ഭീകരാക്രമണമാണിത്. ജൂലൈ 22-ന് അനന്ത്നാഗിലെ തിരക്കേറിയ ലാല്ചൗക്ക് മേഖലയില് ജമ്മു-കശ്മീര് പൊലീസ് ഹെഡ് കോണ്സ്റ്റബിള് അഷിഖ് ഹുസൈന് ഖുറേഷിയെ ഭീകരര് വെടിവച്ച് കൊലപ്പെടുത്തിയിരുന്നു. അമര്നാഥ് യാത്രാ പാതയിലുണ്ടായ ആ ആക്രമണത്തിന്റെയും ഉത്തരവാദിത്തം ഏറ്റെടുത്തിരുന്നു.
സൈജു കുറുപ്പ് നായകനാകുന്ന ഹരിവരാസനത്തില് തെന്നിന്ത്യന് താരം യോഗി ബാബുവും പ്രധാന വേഷത്തില്, ഫോട്ടോ സോഷ്യല്മീഡിയിയില് പങ്ക് വച്ച് താരം
