മുംബൈ: ഇന്ത്യയിൽ വാഹങ്ങൾ വാങ്ങുന്നതിൽ വലിയ മാറ്റം വന്നുതുടങ്ങിയിരിക്കുകയാണ്. പ്രധാനമായും ഇതിന് രണ്ടു കാരണങ്ങളാണ് ഉള്ളത്. ഒന്ന്, പശ്ചിമേഷ്യാ സംഘർഷത്തെത്തുടർന്ന് പെട്രോൾ, ഡീസൽ വില ഉയർന്നതും രണ്ട്, എഥനോൾ ചേർത്ത പെട്രോൾ ഉപയോഗം വാഹനങ്ങളുടെ ഇന്ധനക്ഷമത കുറയ്ക്കുന്നതായുള്ള റിപ്പോർട്ടുകളുമാണ്. ഇതുമൂലം രാജ്യത്ത് വൈദ്യുത വാഹനങ്ങളുടെ വിൽപ്പന കുത്തനെ ഉയർന്നിരിക്കുകയാണ്.
കണക്കുകൾ പ്രകാരം, ജൂലായിൽ 3,27,901 വൈദ്യുതവാഹനങ്ങളാണ് നിരത്തുകളിലെത്തിയത്. ഫെഡറേഷൻ ഓഫ് ഓട്ടോമൊബൈൽ ഡീലേഴ്സ് അസോസിയേഷൻ (ഫാഡ) പുറത്തുവിട്ട കണക്കുകളാണിത്. ഇതുവരെയുള്ളതിൽ ഒരുമാസത്തെ ഏറ്റവും ഉയർന്ന വിൽപ്പന കണക്ക് ആണ് ഇത്.
2026 ജൂണിലെ 3,06,220 വൈദ്യുതവാഹനങ്ങളെന്നതിനെയാണ് ജൂലായിൽ മറികടന്നിരിക്കുന്നത്. 2025 ജൂലായിലെ വിൽപ്പനയെക്കാൾ 66 ശതമാനം വളർച്ചയാണ് ഈ വിഭാഗത്തിലുണ്ടായതെന്ന് ഫാഡ പറയുന്നു.
നിലവിൽ രജിസ്ട്രേഷൻ നടത്തുന്ന എട്ടിൽ ഒരു വാഹനം വൈദ്യുതിയിലോടുന്നതാണ്. ഇതോടെ രാജ്യത്ത് നിരത്തുകളിൽ വൈദ്യുതവാഹനങ്ങളുടെ വിഹിതം 12 ശതമാനത്തിലേക്കുയർന്നതായും ഫാഡ വൈസ് പ്രസിഡന്റ് സായ് ഗിരിധർ പറഞ്ഞു.
വൈദ്യുതവാഹന വിൽപ്പനയിൽ മുന്നിൽ ഇരുചക്രവാഹനങ്ങളാണ്. ജൂലായിൽ ഇലക്ട്രിക് ഇരുചക്രവാഹന വിൽപ്പന 2,04,362 യൂണിറ്റുകളാണ്. 2025 ജൂലായിലിത് 1,08,516 എണ്ണമായിരുന്നു. 88.32 ശതമാനമാണ് വർധന.
യാത്രാവാഹനങ്ങളുടെ വിഭാഗത്തിൽ 83.13 ശതമാനം വർധനയുമായി 32,928 യൂണിറ്റിലെത്തി. മുൻവർഷം ഇതേകാലത്തിത് 17,981 എണ്ണമായിരുന്നു. കൂടാതെ 87,055 മുച്ചക്രവാഹനങ്ങളും 3,556 വാണിജ്യവാഹനങ്ങളും ജൂലായിൽ വിറ്റഴിഞ്ഞിട്ടുണ്ട്. ഈ ഒരു മാറ്റം തുടർന്നും ഉണ്ടാകുമോ എന്നാണ് ഇപ്പോൾ വിപണി ഉറ്റുനോക്കുന്നത്.
Disclaimer:
“The images and content displayed on this website are used for news reporting, informational, and editorial purposes. Some images, videos, and media may be sourced from external platforms such as Google Images, Instagram, Facebook, X (Twitter), news agencies, official sources, and other publicly available internet sources. We do not claim ownership of third-party content unless explicitly stated.”
വെള്ളക്കെട്ടിൽ EV അപകടകാരിയോ? ഒരു മീറ്റർ ആഴമുള്ള വെള്ളത്തിൽ ഏകദേശം 30 മിനിറ്റ് വരെ മുങ്ങിയാൽ എന്ത് സംഭവിക്കും?; ഹൈഡ്രോലോക്ക് മുതൽ തീപിടിത്തവും വരെ; സമ്പൂർണ്ണ വിശകലനം!
