റൊസാരിയോ: അർജന്റീന ഫുട്ബോൾ ഇതിഹാസം ലയണൽ മെസിയുടെ പിതാവ് ജോർജെ മെസി (68) അന്തരിച്ചു. അസുഖത്തെ തുടർന്ന് അർജന്റീനയിലെ റൊസാരിയോയിലെ ആശുപത്രിയിൽ ചികിത്സയിലിരിക്കെയാണ് അന്ത്യം.
മലപ്പുറത്ത് നടുറോഡിൽ കാറിന് മുകളിലേയ്ക്ക് ബസ് തലകീഴായി മറിഞ്ഞു: അപകടത്തിൽ ഒരു മരണം , മൂന്നു പേരുടെ നില ഗുരുതരം ; ബസ് രണ്ടായി പിളർന്നു
മെസിയുടെ ഫുട്ബോൾ കരിയറിൽ നിർണായക സ്വാധീനം ചെലുത്തിയ വ്യക്തിയായിരുന്നു ജോർജെ. മകന്റെ ബാല്യകാലം മുതൽ ഫുട്ബോൾ കരിയറിന്റെ വളർച്ചയിലുടനീളം അദ്ദേഹം മെസിക്കൊപ്പമുണ്ടായിരുന്നു. ലോകത്തിലെ ഏറ്റവും മികച്ച ഫുട്ബോൾ താരങ്ങളിലൊരാളായി മെസി മാറിയപ്പോഴും പിതാവ് അദ്ദേഹത്തിന്റെ കരിയറിലെ പ്രധാന തൂണായി തുടർന്നു.
മെസിയുടെ പ്രതിനിധിയായും ജോർജെ പ്രവർത്തിച്ചിരുന്നു. വിവിധ ക്ലബ്ബുകളുമായും വാണിജ്യ സ്ഥാപനങ്ങളുമായും മെസിക്കുവേണ്ടിയുള്ള കരാർ ചർച്ചകൾ നടത്തിയിരുന്നതും അദ്ദേഹമായിരുന്നു. മെസിയുടെ ബ്രാൻഡും ബിസിനസ് ഇടപാടുകളും ശക്തിപ്പെടുത്തുന്നതിലും ജോർജെ നിർണായക പങ്കുവഹിച്ചു.
ആയങ്കിയ്ക്ക് ഇനി ജയിലോ ജാമ്യമോ? ; അർജുൻ ആയങ്കി കൂത്തുപറമ്പ് മജിസ്ട്രേറ്റ് വസതിയിൽ ; കസ്റ്റഡിയിൽ വാങ്ങാൻ എറണാകുളം പൊലീസ് കണ്ണൂരിൽ; മജിസ്ട്രേറ്റിന് മുന്നിലേക്ക് പോകുംവഴി പൊലീസിന് വഴിതെറ്റി!
കഴിഞ്ഞ ഏതാനും വർഷങ്ങളായി ജോർജെയുടെ ആരോഗ്യനില മോശമായിരുന്നു. കഴിഞ്ഞ ലോകകപ്പ് സമയത്ത് വ്യക്തിജീവിതത്തിൽ താൻ കടന്നുപോകുന്നത് ബുദ്ധിമുട്ടേറിയ ഘട്ടത്തിലൂടെയാണെന്ന് മെസി സൂചിപ്പിക്കുകയും ചെയ്തിരുന്നു.
മെസിയുടെ കരിയറിലെ നിർണായക ഘട്ടങ്ങളിലെല്ലാം ഒപ്പമുണ്ടായിരുന്ന പിതാവിന്റെ വിയോഗം അർജന്റീന ഫുട്ബോൾ ലോകത്തും ആരാധകർക്കിടയിലും വലിയ ദുഃഖമാണ് സൃഷ്ടിച്ചിരിക്കുന്നത്.
