സിനിമ റിലീസാകും മുൻപേ ഒരു അഭിമുഖവുമായി എത്തുമെന്ന് വിസ്മയ മോഹൻലാലിൽ നിന്ന് ആരും പ്രതീക്ഷിച്ചിരുന്നില്ല. കാരണം ലളിതമാണ്, ആറോളം ചിത്രങ്ങളിൽ അഭിനയിച്ചിട്ടും ക്യാമറയ്ക്ക് മുന്നിൽ അധികം സംസാരിക്കാത്ത ശീലക്കാരനാണ് സഹോദരൻ പ്രണവ്. അതേ പാത പിന്തുടരുമെന്നാണ് എല്ലാവരും കരുതിയത്. എന്നാൽ ജൂഡ് ആന്റണി ജോസഫിന്റെ ‘തുടക്കം’ എന്ന ചിത്രത്തിലൂടെ അരങ്ങേറുന്ന വിസ്മയ, ഭരത്വാജ് രംഗന് നൽകിയ അഭിമുഖത്തിൽ മനസ്സ് തുറന്നിരിക്കുകയാണ്. “സ്റ്റേജിലാണ് ഞാൻ ജീവിച്ചിരിക്കുന്നത് പോലെ തോന്നിയത്” 35 വയസ്സുള്ള വിസ്മയ, സിനിമയിലേക്ക് വൈകിയെത്താനുള്ള കാരണങ്ങൾ വിശദമായി