മുംബൈ: ബോളിവുഡ് താരം ആലിയ ഭട്ടിന്റെ ഏറ്റവും പുതിയ ആക്ഷൻ ചിത്രമായ ‘ആൽഫ’ സിനിമാ ലോകത്ത് വലിയ ചർച്ചയാകുമ്പോൾ, തങ്ങളുടെ ജീവിതത്തിലെ യഥാർത്ഥ ‘ആൽഫ’ ആരാണെന്ന് വെളിപ്പെടുത്തി നടിയും ആലിയയുടെ അമ്മയുമായ സോണി റസ്ദാൻ. ഇൻസ്റ്റാഗ്രാമിലൂടെ കുടുംബത്തിലെ നാല് തലമുറകൾ ഒരൊറ്റ ഫ്രെയിമിൽ അണിനിരക്കുന്ന മനോഹരമായ ചിത്രം പങ്കുവെച്ചാണ് സോണി റസ്ദാൻ ഈ മനോഹരമായ കുറിപ്പ് പങ്കിട്ടത്.
സൗഭാഗ്യയുടെ ആ സ്വപ്നം തകർത്തത് ആര്? ‘പൂവ്’ ഉപേക്ഷിച്ചതിന് പിന്നിലെ ഞെട്ടിക്കുന്ന വെളിപ്പെടുത്തൽ!
തന്റെ അമ്മയും ആലിയയുടെ അമ്മൂമ്മയുമായ ജെർട്രൂഡ് ഹോൾസറാണ് തങ്ങളുടെ കുടുംബത്തിലെ യഥാർത്ഥ ‘ആൽഫ’ എന്നാണ് അവർ വ്യക്തമാക്കുന്നത്. ഹിറ്റ്ലറുടെ ഭരണകാലത്ത് നാസി ജർമ്മനിയിലെ കടുത്ത ക്രൂരതകളിൽ നിന്നും പ്രതിസന്ധികളിൽ നിന്നും ധീരമായി രക്ഷപ്പെട്ട് പുതിയൊരു ജീവിതം കെട്ടിപ്പടുത്ത അമ്മയുടെ അതിജീവനത്തിന്റെ കഥയാണ് സോണി റസ്ദാൻ ഓർമ്മിപ്പിച്ചത്.
ആലിയയുടെ പുതിയ സിനിമയുടെ പേരിനോട് ചേർത്തുവെച്ചാണ് സോണി റസ്ദാൻ ഈ ചിത്രം ആരാധകർക്കായി പങ്കുവെച്ചത്. ചിത്രത്തിൽ സോണി റസ്ദാനും അമ്മ ജെർട്രൂഡിനും ആലിയ ഭട്ടിനുമൊപ്പം ആലിയയുടെ മകൾ റാഹ കപൂറും ഇടംപിടിച്ചിട്ടുണ്ട്. സ്ക്രീനിൽ മകൾ ആലിയ എത്ര വലിയ കരുത്തുറ്റ കഥാപാത്രങ്ങളെ അവതരിപ്പിച്ചാലും, യഥാർത്ഥ ജീവിതത്തിൽ പ്രതിസന്ധികളെ നേരിട്ട് വിജയിച്ച അമ്മയാണ് ഞങ്ങളുടെ യഥാർത്ഥ ‘ഓജി ആൽഫ വുമൺ’ എന്നാണ് താരം വിശേഷിപ്പിക്കുന്നത്.
പ്രമേഹ ചികിത്സയിൽ വിപ്ലവം: ആഴ്ചയിലൊരിക്കൽ മാത്രം എടുക്കേണ്ട ലോകത്തിലെ ആദ്യ ഇൻസുലിൻ ‘അവിക്ലി’ ഇന്ത്യയിലെത്തി
യഷ് രാജ് ഫിലിംസിന്റെ പ്രശസ്തമായ സ്പൈ യൂണിവേഴ്സിലെ ഏഴാമത്തെ ചിത്രമായ ‘ആൽഫ’ തിയേറ്ററുകളിലെത്തിയ പശ്ചാത്തലത്തിലാണ് ഈ കുറിപ്പ് എന്നതും ശ്രദ്ധേയമാണ്. നെറ്റ്ഫ്ലിക്സ് സീരീസായ ‘ദി റെയിൽവേ മെൻ’ ഒരുക്കി ശ്രദ്ധേയനായ ശിവ് റവെയ്ലാണ് ഈ ബിഗ് ബജറ്റ് ആക്ഷൻ ചിത്രം സംവിധാനം ചെയ്തിരിക്കുന്നത്.
