തിരുവനന്തപുരം: മുതിര്ന്ന ഐ.എ.എസ് ഉദ്യോഗസ്ഥനായ മിന്ഹാജ് ആലത്തെ പുതിയ ആഭ്യന്തര വകുപ്പ് സെക്രട്ടറിയായി നിയമിച്ചു. നിലവില് ഫോറസ്റ്റ് & വൈല്ഡ് ലൈഫ് വകുപ്പ് അഡീഷണല് ചീഫ് സെക്രട്ടറിയായിരുന്നു. ക്രമസമാധാന പാലനത്തിലും ഭരണനിര്വഹണത്തിലും അതീവ പ്രാധാന്യമുള്ള ആഭ്യന്തര വകുപ്പിന്റെ തലപ്പത്തേക്ക് മിന്ഹാജ് ആലം എത്തുന്നതോടെ വലിയ മാറ്റങ്ങളാണ് സര്ക്കാര് പ്രതീക്ഷിക്കുന്നത്. 1996 ബാച്ച് ഐ.എ.എസ് ഉദ്യോഗസ്ഥനായ മിന്ഹാജ് ആലം, കേന്ദ്ര-സംസ്ഥാന സര്ക്കാരുകളില് ദീര്ഘകാലത്തെ പ്രവര്ത്തന പരിചയമുള്ള വ്യക്തിത്വമാണ്. കേന്ദ്ര ഭക്ഷ്യസംസ്കരണ വ്യവസായ മന്ത്രാലയത്തില് അഡീഷണല് സെക്രട്ടറിയായി അദ്ദേഹം സേവനമനുഷ്ഠിച്ചിട്ടുണ്ട്.