ന്യൂഡൽഹി: ആഗോള വിപണിയിൽ മെമ്മറി ചിപ്പുകൾക്കുണ്ടായ കടുത്ത വിലവർദ്ധനവിനെത്തുടർന്ന് ഇന്ത്യയുൾപ്പെടെയുള്ള രാജ്യങ്ങളിൽ ഉൽപ്പന്നങ്ങളുടെ വില കുത്തനെ കൂട്ടി ആപ്പിൾ. മാക്ബുക്ക്, ഐപാഡ് മോഡലുകളുടെ പ്രാരംഭ വിലയിൽ 20 ശതമാനം മുതൽ 42 ശതമാനം വരെയാണ് കമ്പനി വർദ്ധിപ്പിച്ചിരിക്കുന്നത്. പ്രീമിയം ലാപ്ടോപ്പ്, ടാബ്ലെറ്റ് വിപണിയിൽ ഈ നീക്കം വലിയ ചലനങ്ങളുണ്ടാക്കും.
മെറ്റക്ക് യൂറോപ്യൻ യൂണിയൻ നൽകിയ മുന്നറിയിപ്പെന്ത്? കോടികളുടെ പിഴ നൽകേണ്ടിവരുമോ?
വില വ്യത്യാസം ഒറ്റനോട്ടത്തിൽ:
-
14 ഇഞ്ച് മാക്ബുക്ക് പ്രോ (M5 പ്രോ ചിപ്പ്): ₹2,49,900-ൽ നിന്ന് ₹2,99,900 ആയി ഉയർന്നു (20% വർദ്ധനവ്).
-
13 ഇഞ്ച് ഐപാഡ് എയർ (അടിസ്ഥാന മോഡൽ): ₹84,900-ൽ നിന്ന് ₹1,19,900 ആയി ഉയർന്നു (41.22% വർദ്ധനവ്).
പ്ലാസ്റ്റിക് നോട്ട് വരുമ്പോൾ സാധാരണക്കാർക്ക് എന്ത് ഗുണം?; പോളിമർ നോട്ടുകൾ എത്തുന്നതോടെ നിലവിലുള്ള പേപ്പർ നോട്ടുകൾക്ക് എന്ത് സംഭവിക്കും? ; അറിയാം പൂർണ്ണമായി!
ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യയുടെ ദ്രുതഗതിയിലുള്ള വളർച്ചയാണ് ഈ പ്രതിസന്ധിക്ക് പിന്നിൽ. ആഗോളതലത്തിൽ മെമ്മറി കാർഡുകളും ചിപ്പുകളും നിർമ്മിക്കുന്ന കമ്പനികൾ തങ്ങളുടെ ഉൽപ്പന്നങ്ങളുടെ ഭൂരിഭാഗവും വലിയ തോതിൽ എഐ ഡാറ്റാ സെന്ററുകൾക്കായി (AI Data Centers) മാറ്റിവെക്കുകയാണ്. ഇതോടെ സാധാരണ ഇലക്ട്രോണിക്സ് ഉപകരണങ്ങൾക്കായുള്ള ചിപ്പുകൾക്ക് വിപണിയിൽ കടുത്ത ക്ഷാമവും വിലക്കയറ്റവും അനുഭവപ്പെടാൻ തുടങ്ങി. പല ഇലക്ട്രോണിക് ഉൽപ്പന്നങ്ങൾക്കും നിലവിൽ 40 ശതമാനത്തിലധികം വില വർദ്ധിച്ചിട്ടുണ്ട്.
വില വർദ്ധനവ് സംബന്ധിച്ച് ആപ്പിൾ ഔദ്യോഗിക പ്രസ്താവന പുറത്തിറക്കിയിട്ടുണ്ട്. “ഇതുവരെ വിപണിയിലെ ഈ വിലക്കയറ്റത്തിൽ നിന്ന് ഞങ്ങൾ ഉപഭോക്താക്കളെ സംരക്ഷിച്ചു നിർത്തിയിരുന്നു. എന്നാൽ ഇപ്പോൾ പല ഉൽപ്പന്നങ്ങളുടെയും വില വർദ്ധിപ്പിക്കേണ്ട ഘട്ടത്തിലേക്ക് കാര്യങ്ങളെത്തിയിരിക്കുകയാണ്. ഇത് സ്വാഗതാർഹമായ വാർത്തയല്ലെന്ന് ഞങ്ങൾക്കറിയാം. ഇതിനൊരു പരിഹാരം കണ്ടെത്താൻ കമ്പനി പരമാവധി ശ്രമിക്കുകയാണ്,” എന്ന് ആപ്പിൾ വ്യക്തമാക്കി.
പുതിയ ചിപ്പ് സാങ്കേതികവിദ്യയിലേക്ക് ആപ്പിൾ മാറിയതിന് പിന്നാലെ വന്ന ഈ വിലക്കയറ്റം വരും ദിവസങ്ങളിൽ മറ്റ് പ്രമുഖ ടെക് കമ്പനികളുടെ ഉൽപ്പന്നങ്ങളെയും ബാധിച്ചേക്കുമെന്നാണ് വിപണി വിദഗ്ധരുടെ വിലയിരുത്തൽ.
