തൃശ്ശൂർ: തൃശ്ശൂർ അമല ആശുപത്രിയിൽ നഴ്സുമാർ നടത്തിവന്ന സമരം അവസാനിച്ചു . 4,000 രൂപ മുതൽ 6,000 രൂപ വരെ ശമ്പള വർധനവ് നൽകാമെന്ന് മാനേജ്മെന്റ് ഉറപ്പുനൽകിയതിനെ തുടർന്നാണ് യു.എൻ.എ (UNA) സമരം അവസാനിപ്പിക്കുന്നതായി അറിയിച്ചത് .
കാൻസർ വ്യാജമെന്ന പ്രചാരണങ്ങൾക്ക് ലൈവിലൂടെ മറുപടി നൽകി രേണു സുധി
മാനേജ്മെന്റുമായി കരാർ ഒപ്പിട്ടതിന് ശേഷമാണ് നഴ്സുമാർ സമരം അവസാനിപ്പിച്ചതെന്നും നാളെ മുതൽ ഇവർ ജോലിയിൽ പ്രവേശിക്കുമെന്നും യു.എൻ.എ പ്രതിനിധികൾ വ്യക്തമാക്കി . എന്നാൽ, ഇവർ സമരം പേടിച്ചല്ല ശമ്പളം വർദ്ധിപ്പിച്ചതെന്നും, മറിച്ച് ഏപ്രിൽ ഒന്നിന് എടുത്ത തീരുമാനം യു.എൻ.എ ഇപ്പോൾ അംഗീകരിക്കുക മാത്രമാണ് ചെയ്തതെന്നുമാണ് മാനേജ്മെന്റിന്റെ നിലപാട് .
അതേസമയം, തൃശ്ശൂർ അതിരൂപതയുടെ തന്നെ കീഴിലുള്ള ജൂബിലി മിഷൻ ആശുപത്രിയിലെ നഴ്സുമാരുടെ സമരം ഇപ്പോഴും തുടരുകയാണ് . ഇടക്കാല ആശ്വാസമായി ശമ്പള വർധനവ് വേണമെന്ന ആവശ്യവുമായി 112 ദിവസമായി നഴ്സുമാർ പ്രതിഷേധത്തിലാണ് .
‘ഈ പെരുമാറ്റം അംഗീകരിക്കാനാകില്ല’; ആൾക്കൂട്ടത്തിനിടെ യുവതിയെ സ്പർശിച്ചെന്ന് ആരോപണം; സിവിൽ വേഷത്തിലെത്തിയ പൊലീസുകാരനെതിരെ പ്രതിഷേധം, എന്തുകൊണ്ട് വനിതാ പൊലീസില്ല ?
മുൻപ് ആരോഗ്യമന്ത്രി കെ. മുരളീധരന്റെ നേതൃത്വത്തിൽ നടന്ന മന്ത്രിതല ചർച്ചകളിൽ 4,000 രൂപ ശമ്പള വർധനവ് നൽകാൻ ആവശ്യപ്പെട്ടിരുന്നെങ്കിലും അന്ന് ആശുപത്രി മാനേജ്മെന്റുകൾ അത് അംഗീകരിക്കാൻ തയ്യാറായിരുന്നില്ല.
ഇതിനെ തുടർന്ന് ശക്തമായ പ്രതിഷേധവുമായി ജൂബിലി മിഷൻ ആശുപത്രിയിലെ നഴ്സുമാർ പ്രകടനമായി ആശുപത്രിയുടെ പ്രധാന കവാടത്തിലേക്ക് മാർച്ച് നടത്തി.അമലയിലെ സമരം അവസാനിച്ചെങ്കിലും ജൂബിലി മിഷൻ ആശുപത്രിയിൽ അനുകൂലമായ തീരുമാനം ഉണ്ടാകുന്നത് വരെ സമരം തുടരുമെന്ന് നഴ്സിങ് ഭാരവാഹികൾ വ്യക്തമാക്കിയിട്ടുണ്ട്.
