നോട്ടിങ്ങാം : ഇംഗ്ലണ്ടിനെതിരായ ടി20 പരമ്പരയിലെ മൂന്നാം മത്സരത്തിൽ ഇന്ത്യക്ക് 125 റൺസിന്റെ ചരിത്രപരമായ വൻ തോൽവി. ആദ്യം ബാറ്റ് ചെയ്ത ഇംഗ്ലണ്ട് നിശ്ചിത 20 ഓവറിൽ 7 വിക്കറ്റ് നഷ്ടത്തിൽ 201 റൺസ് എന്ന കൂറ്റൻ സ്കോർ പടുത്തുയർത്തി. എന്നാൽ മറുപടി ബാറ്റിങ്ങിനിറങ്ങിയ ഇന്ത്യ 11.4 ഓവറിൽ വെറും 76 റൺസിന് ഓൾഔട്ടാവുകയായിരുന്നു. റൺസിന്റെ അടിസ്ഥാനത്തിൽ ട്വന്റി-20 ക്രിക്കറ്റ് ചരിത്രത്തിൽ ഇന്ത്യ നേരിടുന്ന ഏറ്റവും വലിയ തോൽവിയാണിത്.
മുഖത്തുനോക്കി ആക്രോശിച്ചിട്ടും മിണ്ടാതെ സ്കലോണി; ഈജിപ്ത് കോച്ചുമായുള്ള തർക്കത്തിന്റെ വീഡിയോ വൈറലാകുന്നു
ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇംഗ്ലണ്ടിന് ഓപ്പണർ ഫിലിപ്പ് സാൾട്ടിന്റെ തകർപ്പൻ പ്രകടനമാണ് കരുത്തായത്. 44 പന്തിൽ നിന്ന് 70 റൺസാണ് താരം അടിച്ചെടുത്തത്. ഇതിന് പുറമെ സാം കറൻ 24 പന്തിൽ 41 റൺസും, ജോസ് ബട്ലർ 21 പന്തിൽ 36 റൺസും നേടി ഇംഗ്ലണ്ട് സ്കോർ 200 കടത്താൻ സഹായിച്ചു. ഇന്ത്യൻ ബൗളർമാരിൽ പ്രിൻസ് യാദവ്, ഹർഷിത് റാണ എന്നിവർ രണ്ട് വിക്കറ്റ് വീതവും അക്ഷർ പട്ടേൽ ഒരു വിക്കറ്റും വീഴ്ത്തി.
202 റൺസ് വിജയലക്ഷ്യവുമായി ഇറങ്ങിയ ഇന്ത്യയുടെ ബാറ്റിങ് നിര പൂർണ്ണമായും തകരുകയായിരുന്നു. അഞ്ചു പന്തിൽ 13 റൺസെടുത്ത വൈഭവ് സൂര്യവംശി, അഭിഷേക് ശർമ (7 പന്തിൽ 10), ഇഷാൻ കിഷൻ (9 പന്തിൽ 13), അക്ഷർ പട്ടേൽ (4 പന്തിൽ 10) എന്നിവർ മാത്രമാണ് തകർച്ചയ്ക്കിടയിലും ഇന്ത്യൻ നിരയിൽ രണ്ടക്കം കടന്ന മറ്റ് ബാറ്റർമാർ. ക്യാപ്റ്റൻ ശ്രേയസ് അയ്യർ അഞ്ച് റൺസിനും തിലക് വർമ മൂന്ന് റൺസിനും പുറത്തായി. ഇംഗ്ലണ്ടിനായി ജോഷ് ടോങ് നാലും ജോഫ്ര ആർച്ചർ മൂന്നും വിക്കറ്റുകൾ വീഴ്ത്തി.
ക്ലീൻഷേവും നീണ്ടമീശയുമായി അർജന്റീന ജേഴ്സിയണിഞ്ഞ് ലാലേട്ടൻ
ഈ മത്സരത്തോടെ നിരവധി റെക്കോർഡുകളാണ് ഇന്ത്യൻ ടീമിന്റെ പേരിൽ കുറിക്കപ്പെട്ടത്. മത്സരത്തിൽ ഇന്ത്യ കുറിച്ച 76 റൺസ് എന്നത് അന്താരാഷ്ട്ര ടി20 ചരിത്രത്തിൽ ഇന്ത്യയുടെ രണ്ടാമത്തെ ഏറ്റവും ചെറിയ സ്കോറാണ്. ഇതിനുമുമ്പ് 2008ൽ ഓസ്ട്രേലിയയ്ക്കെതിരെ നേടിയ 74 ആണ് ഏറ്റവും ഇന്ത്യയുടെ ഏറ്റവും ചെറിയ സ്കോർ. കൂടാതെ ടി20 ചരിത്രത്തിൽ ഇന്ത്യ തുടർച്ചയായി അഞ്ച് മത്സരങ്ങൾ തോൽക്കുന്നതും ഇതാദ്യമായാണ്. ഈ തോൽവിയോടെ അഞ്ച് മത്സരങ്ങളുള്ള പരമ്പരയിൽ ഇന്ത്യ 2-0 ന് പിന്നിലായി.
