സംവിധായകന് സിബി മലയിലെ അപമാനിച്ചുവെന്ന ആരോപണങ്ങള്ക്ക് മറുപടി നല്കി പേളി മാണി. സിബി മലയിലിന്റെ മകന് ജോ സിബി മലയില് ആണ് പേളി സിബിയെ പരാജയപ്പെട്ട സംവിധായകന് എന്ന് വിളിച്ചതായി ആരോപിച്ചത്. എന്നാല് താന് സിബി മലയിലിനെ അപമാനിച്ചിട്ടില്ലെന്നും മറുപടി നല്കിയത് അദ്ദേഹത്തിന്റെ മകനാണെന്നുമാണ് പേളി പറയുന്നത്.
കളക്ടർ മാമാ, കുറച്ചുകൂടി നേരത്തെ എഴുന്നേൽക്കാമായിരുന്നു. അവധി പ്രഖ്യാപനം വൈകി; ‘കളക്ടർ ഉറങ്ങിപ്പോയോ?’ വിമർശനം സഹിക്കവയ്യാതെ കമന്റ് ബോക്സ് പൂട്ടി കോഴിക്കോട് കളക്ടർ
ഞാന് ഒരിക്കലും സിബി മലയില് സാറിനെ അങ്ങനെ പറയില്ല. കാരണം അദ്ദേഹം മലയാളത്തിലെ ഏറ്റവും മികച്ച സംവിധായകരില് ഒരാളാണ്. അദ്ദേഹം ഇത് കാണുന്നുണ്ടെങ്കില്, ഐ ലവ് യു. ഞാന് നിങ്ങളുടെ വലിയൊരു ആരാധികയാണെന്നും വിഡിയോയില് പേളി പറയുന്നു. ആ വാക്കുകളിലേക്ക്:
ഞാന് എഴുതിയ ഒരു കാര്യം വലിയ തെറ്റായിരുന്നു. നിമിഷങ്ങള്ക്ക് ശേഷം ഞാനത് ഡിലീറ്റ് ചെയ്തു. അത് തെറ്റാണെന്ന് എനിക്കറിയാം. സ്ക്രീന് ഷോട്ട് പോകുമെന്നും എനിക്കറിയാമായിരുന്നു. പക്ഷെ എനിക്ക് തന്നെ അതിനോട് യോജിപ്പില്ല. അതിനാല് ഡിലീറ്റ് ചെയ്തിരുന്നു. അതില് ഞാന് ആ പോസ്റ്റിട്ടയാളെ പരാജയപ്പെട്ട സംവിധായകന് എന്ന് വിളിച്ചിരുന്നു. അത് വളരെ വലിയ തെറ്റാണ്. നമ്മള് ആരേയും അങ്ങനെ വിളിക്കാന് പാടില്ല. അങ്ങനെ അല്ല എന്റെ മാതാപിതാക്കള് എന്നെ വളര്ത്തിയത്. അദ്ദേഹത്തോട് ഈ അവസരത്തില് ഞാന് മാപ്പ് ചോദിക്കുകയാണ്. നിങ്ങളെ അങ്ങനെ വിളിക്കാന് പാടില്ലായിരുന്നു. അയാം സോറി.
സ്വർണക്കൊള്ള കേസ്: പോറ്റിയുടെ ചോദ്യം ചെയ്യൽ പൂർത്തിയായി; റിപ്പോർട്ട് തിങ്കളാഴ്ച നൽകും
