തിരുവനന്തപുരം: കേന്ദ്ര കൃഷി കർഷക ക്ഷേമ മന്ത്രാലയത്തിന് കീഴിൽ ശ്രീകാര്യത്ത് പ്രവർത്തിക്കുന്ന ഐ.സി.എ.ആർ.- കേന്ദ്ര കിഴങ്ങുവിള ഗവേഷണ സ്ഥാപനം (ICAR-CTCRI) 63-ാമത് സ്ഥാപക ദിനം ആഘോഷിച്ചു. സംസ്ഥാന അഡീഷണൽ ചീഫ് സെക്രട്ടറിയും കാർഷിക ഉൽപ്പാദന കമ്മീഷണറുമായ ശ്രീ. മിൻഹാജ് ആലം ഐ.എ.എസ്. ആഘോഷപരിപാടികളുടെ ഉദ്ഘാടനം നിർവ്വഹിച്ചു.
വന്ദേമാതരവും ഇനി ദേശീയഗാന പദവിയിൽ; ബിൽ ലോക്സഭയും പാസാക്കി, “ജനങ്ങളെ ഭിന്നിപ്പിക്കുന്നു” എന്ന് കനിമൊഴി ; ആലാപനം മനഃപൂർവം തടസ്സപ്പെടുത്തിയാൽ മൂന്ന് വർഷം വരെ തടവ്!
കാർഷിക ഗവേഷണം, സാങ്കേതിക വികസനം, കർഷക ക്ഷേമം എന്നിവയിൽ ഐ.സി.എ.ആർ.- സി.ടി.സി.ആർ.ഐ. കൈവരിച്ച ഗണ്യമായ സംഭാവനകളെ അദ്ദേഹം അഭിനന്ദിച്ചു. സുസ്ഥിര കൃഷി ശക്തിപ്പെടുത്തുന്നതിന് ഗവേഷണാധിഷ്ഠിത നവീകരണങ്ങൾ അത്യന്താപേക്ഷിതമാണെന്ന് അദ്ദേഹം ചൂണ്ടിക്കാട്ടി.
ഉദ്ധവ് താക്കറെയെ പൂട്ടി ഗഡ്ഗരി; മുംബൈ ശിവാജി പാര്ക്കില് വന് റാലിക്കിറങ്ങിയ ശിവസേന നേതാവിനെ കണ്ടം വഴി ഓടിച്ച് സുരേഷ് ഗോപിയും!
2026-27 ലെ റോഡ് മാപ്പ് പുറത്തിറക്കി
ഐ.സി.എ.ആർ.- സി.ടി.സി.ആർ.ഐ. ഡയറക്ടർ ഡോ. ജി. ബൈജു ചടങ്ങിൽ അധ്യക്ഷത വഹിച്ചു. കഴിഞ്ഞ ഒരു വർഷത്തെ ഇൻസ്റ്റിറ്റ്യൂട്ടിന്റെ പ്രധാന നേട്ടങ്ങൾ അവതരിപ്പിച്ച അദ്ദേഹം, ഗവേഷണം, സാങ്കേതിക വ്യാപനം, അന്താരാഷ്ട്ര സഹകരണങ്ങൾ, ഡിജിറ്റൽ പരിവർത്തനം എന്നിവ ഉൾക്കൊള്ളുന്ന 2026-27 വർഷത്തെ തന്ത്രപരമായ മാർഗ്ഗരേഖയും പുറത്തിറക്കി.
ചടങ്ങിൽ ഇൻസ്റ്റിറ്റ്യൂട്ടിന്റെ പുതിയ പ്രസിദ്ധീകരണങ്ങൾ, പുതുതായി വികസിപ്പിച്ച വിള ഇനങ്ങൾ, മെച്ചപ്പെടുത്തിയ ഉൽപ്പാദന സാങ്കേതികവിദ്യകൾ എന്നിവയുടെ പ്രകാശനവും നടന്നു. ഗവേഷണ വികസന പ്രവർത്തനങ്ങൾ വിപുലീകരിക്കുന്നതിന്റെ ഭാഗമായി പങ്കാളിത്ത സ്ഥാപനങ്ങളുമായി ധാരണാപത്രങ്ങൾ (MoU) കൈമാറി.
പുരോഗമന കർഷകരെയും ജീവനക്കാരെയും ആദരിച്ചു
ശാസ്ത്രീയ കൃഷിരീതികൾ നടപ്പിലാക്കിയ രാജ്യത്തിന്റെ വിവിധ ഭാഗങ്ങളിൽ നിന്നുള്ള എട്ട് പുരോഗമന കർഷകരെ ചടങ്ങിൽ ആദരിച്ചു:
-
യലമതി സുബ്ബറാവു (ആന്ധ്രാപ്രദേശ്)
-
ഭരത് ഭൂഷൺ (ഹിമാചൽ പ്രദേശ്)
-
എം. എസ്. മഹാലിംഗേശ്വര പ്രസാദ് (കർണാടക)
-
അശ്വതി എം., ഷിജു എം. എസ്., സുജിത് എസ്. പി. (കേരളം)
-
പി. വേലുസാമി (തമിഴ്നാട്)
-
പ്രശാന്ത കുമാർ ഗിരി (ഒഡീഷ)
ഇതിനുപുറമെ, മികച്ച ഗവേഷണ പ്രബന്ധ അവാർഡ് നേടിയവരെയും വിശിഷ്ട സേവനം അനുഷ്ഠിച്ച ജീവനക്കാരെയും ആദരിച്ചു. തുടർന്ന് നടന്ന “കർഷക-ശാസ്ത്രജ്ഞ” സംവാദത്തിൽ കിഴങ്ങുവർഗ്ഗ വിളകളുടെ ഉൽപ്പാദനക്ഷമതയും സുസ്ഥിരതയും വർദ്ധിപ്പിക്കുന്നതിനുള്ള മാർഗ്ഗങ്ങൾ ചർച്ച ചെയ്തു.വിള ഉൽപ്പാദന വിഭാഗം മേധാവി ഡോ. ജി. സുജ സ്വാഗതവും വിള സംരക്ഷണ വിഭാഗം മേധാവി ഡോ. ടി. മകേഷ് കുമാർ നന്ദിയും പറഞ്ഞു
