തിരുവനന്തപുരം : ഹിന്ദു ഐക്യവേദി നേതാക്കളെ സെക്രട്ടേറിയറ്റിൽ കണ്ടതുമായി ബന്ധപ്പെട്ട് ഉയർന്ന മൃദുഹിന്ദുത്വ ആരോപണത്തിന് മറുപടിയുമായി മുഖ്യമന്ത്രി വി.ഡി. സതീശൻ. ഹിന്ദു ഐക്യവേദി നേതാക്കൾ ആവശ്യപ്പെട്ടതു പ്രകാരമാണ് അവരെ കണ്ടതെന്നും, നിവേദനം നൽകാനാണ് അവർ വന്നതെന്നും മുഖ്യമന്ത്രി വ്യക്തമാക്കി. “എല്ലാവരുടെയും മുഖ്യമന്ത്രിയാണ് ഞാൻ” എന്നായിരുന്നു അദ്ദേഹത്തിന്റെ പ്രതികരണം.
ബിജെപി നേതാക്കൾ സെക്രട്ടേറിയറ്റിൽ കയറിയിറങ്ങുന്നുവെന്ന മുഹമ്മദ് റിയാസിന്റെ ആരോപണത്തിനും മുഖ്യമന്ത്രി മറുപടി നൽകി. മുൻമുഖ്യമന്ത്രി പിണറായി വിജയൻ ചെയ്തതു പോലെ രഹസ്യമായല്ല താൻ കൂടിക്കാഴ്ച നടത്തിയതെന്നും, മറ്റൊരു കാറിൽ മാസ്കറ്റ് ഹോട്ടലിൽ പോയി തുറന്ന രീതിയിലാണ് കണ്ടതെന്നും അദ്ദേഹം പറഞ്ഞു.
എന്നാൽ ഇതേ ദിവസങ്ങളിൽ തന്നെ എൻഎസ്എസ് ജനറൽ സെക്രട്ടറി ജി. സുകുമാരൻ നായർക്ക് മുഖ്യമന്ത്രിയെ കാണാൻ അനുമതി ലഭിച്ചില്ലെന്ന വാർത്ത പുറത്തുവന്നിരുന്നു. ബജറ്റ് തയാറാക്കുന്ന സമയത്ത് സുകുമാരൻ നായർ ഫോണിൽ വിളിച്ചിരുന്നെന്നും, തിരിച്ചുവിളിച്ച് ഫോണിൽ സംസാരിച്ച് കാണാമെന്ന് പറഞ്ഞിരുന്നെന്നും ഇതിനിടയിലാണ് കാണാൻ അനുമതി കൊടുത്തില്ലെന്ന വാർത്ത വന്നതെന്നും മുഖ്യമന്ത്രി വിശദീകരിച്ചു.
ഈ പൊരുത്തക്കേട് ചൂണ്ടിക്കാട്ടിയാണ് സമൂഹമാധ്യമങ്ങളിൽ വിമർശനം ശക്തമായത്. എസ്എഫ്ഐ സംസ്ഥാന പ്രസിഡന്റ് എം. ശിവപ്രസാദ്, “വർഗീയത പറയുന്നവർക്ക് പരവതാനി വിരിക്കരുത്” എന്ന് മുൻപ് പറഞ്ഞ അതേ സതീശൻ ഇപ്പോൾ വർഗീയ ശക്തികളെ ചേർത്തുനിർത്തുകയാണെന്ന് ആരോപിച്ചു.
താൻ 37 വർഷമായി മൂകാംബിക ക്ഷേത്രത്തിൽ പോകുന്നുണ്ടെന്നും, അതുകൊണ്ട് മൃദുഹിന്ദുത്വവാദിയാണെന്ന് പറയുന്നത് അടിസ്ഥാനരഹിതമാണെന്നും മുഖ്യമന്ത്രി കൂട്ടിച്ചേർത്തു.
Disclaimer:
“The images and content displayed on this website are used for news reporting, informational, and editorial purposes. Some images, videos, and media may be sourced from external platforms such as Google Images, Instagram, Facebook, X (Twitter), news agencies, official sources, and other publicly available internet sources. We do not claim ownership of third-party content unless explicitly stated.”
ദുബായ് മാഫിയയുമായി ലക്ഷ്മിപ്രിയയ്ക്ക് ബന്ധം; ആരോപണവുമായി അൻസിബയുടെ സുഹൃത്ത് രംഗത്ത്
