മകൾക്കെതിരെ ഉയർന്ന വിമർശനങ്ങൾക്കിടെ, കൂറ്റൻ മതിലായി മകൾക്കൊപ്പം നിന്ന് നടി മഞ്ജു പിള്ള. വസ്ത്രധാരണത്തിന്റെ പേരിൽ മകൾ ദയ സുജിത്തിനെതിരെ ഒരു വ്ലോഗർ രൂക്ഷ വിമർശനം ഉന്നയിച്ചപ്പോൾ, ഒട്ടും പതറാതെ മകൾക്ക് പിന്തുണയുമായി രംഗത്തെത്തുകയായിരുന്നു താരം.
വിമർശനത്തിന് പിന്നാലെ ദയ പങ്കുവെച്ച ബോൾഡ് ലുക്കിലുള്ള ഒരു ചിത്രത്തിന് “നീ തല്ലീട്ട് വാ, ബാക്കി ഞാൻ നോക്കിക്കോളാം” എന്ന് തമാശ കലർന്ന ആത്മവിശ്വാസത്തോടെയാണ് മഞ്ജു പിള്ള കമന്റ് ചെയ്തത്. ദയയുടെ പോസ്റ്റ് മഞ്ജു പിള്ള സ്വന്തം അക്കൗണ്ടിലും റീഷെയർ ചെയ്തു.
‘ഈ അഞ്ഞൂറാനെ തോൽപ്പിക്കാൻ ആവില്ല മക്കളേ…’ എന്ന ഹാഷ്ടാഗോടെയാണ് ദയ തന്റെ ചിത്രം പോസ്റ്റ് ചെയ്തത്. ആത്മവിശ്വാസത്തോടെയുള്ള അമ്മയുടെ മറുപടി ഇപ്പോൾ സോഷ്യൽ മീഡിയയിൽ തരംഗമാവുകയാണ്.
മകളെ അന്ധമായി ന്യായീകരിക്കുകയല്ല, മറിച്ച് ഏതൊരു അമ്മയും കാണിക്കുന്ന സ്വാഭാവികമായ സ്നേഹവും കരുതലുമാണ് തന്റെ പ്രതികരണത്തിലുള്ളതെന്നാണ് മഞ്ജു പിള്ളയുടെ പക്ഷം. തന്റെ കുടുംബത്തെ ആക്രമിക്കുന്നവരോട് സൗമ്യമായി എന്നാൽ ഉറച്ച നിലപാടോടെ പ്രതികരിക്കുന്ന ശൈലി മഞ്ജു പിള്ളയ്ക്ക് പുതിയതല്ല. മുൻപും കുടുംബത്തെക്കുറിച്ചുള്ള അഭിപ്രായങ്ങളോട് അതേ ധൈര്യത്തോടെ പ്രതികരിച്ചിട്ടുള്ള ചരിത്രമുണ്ട് താരത്തിന്.
ഹാസ്യതാരമായി കരിയർ ആരംഭിച്ച് ഇന്ന് മികച്ച സിനിമകളുടെ ഭാഗമായി മാറിയ മഞ്ജു പിള്ള, കുടുംബത്തോടുള്ള അടുപ്പത്തിനും പൊതുവേദികളിലെ തുറന്ന സംസാരത്തിനും പ്രേക്ഷകർക്കിടയിൽ പ്രിയപ്പെട്ട താരമാണ്.
Disclaimer:
“The images and content displayed on this website are used for news reporting, informational, and editorial purposes. Some images, videos, and media may be sourced from external platforms such as Google Images, Instagram, Facebook, X (Twitter), news agencies, official sources, and other publicly available internet sources. We do not claim ownership of third-party content unless explicitly stated.”
ഗൂഢാലോചനയും അശ്ലീല പരാമർശവും ഉറപ്പിച്ചു’; അൻസിബയുടെ ഹർജി ഫയലിൽ സ്വീകരിച്ച് ഹൈക്കോടതി; ലക്ഷ്മിപ്രിയ, ശ്വേതാ മേനോൻ കേസിൽ സർക്കാരിനും പോലീസിനും നോട്ടീസ്
