മലയാളികളുടെ സ്വന്തം റാപ്പ് സെൻസേഷൻ വേടനും തമിഴ് സിനിമയിലെ ഹിറ്റ് മേക്കർ അനിരുദ്ധ് രവിചന്ദറും ഒരേ സ്റ്റുഡിയോയിൽ… ഈ ചിത്രം പുറത്തുവന്നതോടെ സോഷ്യൽ മീഡിയയിൽ ചർച്ചകൾക്ക് ചൂടേറി. ഇരുവരും ഒന്നിക്കുന്ന പുതിയ സംഗീത പരീക്ഷണം എപ്പോഴാണ് പ്രേക്ഷകരിലേക്ക് എത്തുക എന്ന ആകാംക്ഷയിലാണ് ആരാധകർ. അനിരുദ്ധിനൊപ്പമുള്ള സ്റ്റുഡിയോ ചിത്രം വേടൻ സോഷ്യൽ മീഡിയയിൽ പങ്കുവച്ചതോടെയാണ് പുതിയ അഭ്യൂഹങ്ങൾക്ക് തുടക്കമായത്. ഔദ്യോഗിക പ്രഖ്യാപനം ഇതുവരെ പുറത്തുവന്നിട്ടില്ലെങ്കിലും, ഈ കൂട്ടുകെട്ട് അരുണ് മാതേശ്വരൻ സംവിധാനം ചെയ്യുന്ന ‘ഡിസി’ എന്ന ചിത്രത്തിനായിരിക്കാമെന്നാണ് സിനിമാപ്രേമികൾക്കിടയിലെ