ടെഹ്റാൻ: യുഎസുമായുള്ള സൈനിക സംഘർഷം രൂക്ഷമായ പശ്ചാത്തലത്തിൽ, ലോകത്തെ ഏറ്റവും തന്ത്രപ്രധാനമായ കപ്പൽപ്പാതയായ ഹോർമുസ് കടലിടുക്കിലൂടെയുള്ള തങ്ങളുടെ ചരക്കുനീക്കം ഇറാൻ അതിവേഗത്തിലാക്കി. യുഎസ് ഉപരോധങ്ങൾ കടുപ്പിക്കുന്നതിന് മുൻപായി പരമാവധി അസംസ്കൃത എണ്ണയും പ്രകൃതിവാതകവും രാജ്യാന്തര വിപണിയിൽ എത്തിക്കുക എന്ന ലക്ഷ്യത്തോടെയാണ് ഇറാന്റെ ഈ അടിയന്തര നീക്കം. അന്താരാഷ്ട്ര കപ്പൽ ചാനലുകൾക്ക് പകരം തങ്ങളുടെ ഇസ്ലാമിക് റെവല്യൂഷണറി ഗാർഡ് കോർപ്സിന്റെ (IRGC) പൂർണ്ണ നിയന്ത്രണത്തിലുള്ള തീരദേശ പാതകളിലൂടെയാണ് ഇറാൻ ഇപ്പോൾ കപ്പലുകൾ കടത്തിവിടുന്നത്.
ഇറാന് ആയുധ സഹായം നൽകിയാൽ പ്രത്യാഘാതം; ചൈനയ്ക്കും റഷ്യയ്ക്കും ട്രംപിന്റെ മുന്നറിയിപ്പ്
മേഖലയിലെ വ്യോമാക്രമണങ്ങളിൽ നിന്നും അന്താരാഷ്ട്ര നിരീക്ഷണ ഏജൻസികളിൽ നിന്നും രക്ഷപ്പെടാൻ വാണിജ്യ കപ്പലുകൾ വ്യാപകമായി ‘ഡാർക്ക് നാവിഗേഷൻ’ (Dark Transit) രീതി സ്വീകരിക്കുന്നത് വർധിച്ചതായി പ്രതിരോധ വൃത്തങ്ങൾ സൂചിപ്പിക്കുന്നു. കപ്പലുകളുടെ സ്ഥാനം കൃത്യമായി മനസ്സിലാക്കാൻ സഹായിക്കുന്ന ഓട്ടോമാറ്റിക് ഐഡന്റിഫിക്കേഷൻ സിഗ്നലുകൾ (AIS) ബോധപൂർവ്വം ഓഫാക്കി, റഡാറുകളുടെ കണ്ണുവെട്ടിച്ചാണ് ഭൂരിഭാഗം എണ്ണക്കപ്പലുകളും ഇപ്പോൾ ഈ മേഖലയിലൂടെ സഞ്ചരിക്കുന്നത്. ഇത് കടലിടുക്കിലെ കപ്പൽ ഗതാഗത സുരക്ഷയെ കൂടുതൽ അപകടത്തിലാക്കിയിട്ടുണ്ട്.
തുടർച്ചയായ മിസൈൽ-ഡ്രോൺ ആക്രമണങ്ങളെത്തുടർന്ന് ഹോർമുസ് കടലിടുക്ക് വഴിയുള്ള അന്താരാഷ്ട്ര ചരക്കുനീക്കത്തിൽ വൻ ഇടിവാണ് രേഖപ്പെടുത്തിയിരിക്കുന്നത്. സാധാരണ ദിവസങ്ങളിൽ നൂറിലധികം കപ്പലുകൾ കടന്നുപോയിരുന്ന ഈ ജലപാതയിലൂടെ നിലവിൽ വളരെ കുറഞ്ഞ എണ്ണക്കപ്പലുകൾ മാത്രമാണ് ഗതാഗതം നടത്തുന്നത്.
ഒടുവിൽ ഖമനേയിയുടെ സംസ്കാരം; ഇത്രയും നാൾ ആ ഭൗതികശരീരം എവിടെയായിരുന്നു? വൈകിയതിന് പിന്നിലെ രഹസ്യം!
ഇറാനുമായുള്ള സൈനിക സംഘർഷം വീണ്ടും പുനഃരാരംഭിച്ചതിന് പിന്നാലെയാണ് ഉപരോധങ്ങളിൽ ഇളവ് നൽകാനുള്ള തീരുമാനം ട്രംപ് റദ്ദാക്കിയത്. കടൽപ്പാതകളിൽ കപ്പലുകൾക്ക് നേരെ എന്തെങ്കിലും തരത്തിലുള്ള ആക്രമണത്തിന് മുതിർന്നാൽ ഇറാന്റെ കപ്പലുകൾ ലക്ഷ്യമിട്ട് യുഎസ് നാവികസേന തിരിച്ചടിക്കുമെന്ന മുന്നറിയിപ്പും അമേരിക്ക നൽകിയിട്ടുണ്ട്.
