അരുന്ധതി കൃഷ്ണന്
ജോലി കഴിഞ്ഞ് മടങ്ങവെ വാഹനാപകടം; മാധ്യമപ്രവര്ത്തകന് ദാരുണാന്ത്യം
കൊച്ചി: മലയാളത്തിന്റെ സൂപ്പര് താരം മോഹന്ലാലിന്റെ അമേരിക്കന് ഫുട്ബോള് യാത്രയും അതിലെ വേഷവിധാനങ്ങളും സോഷ്യല് മീഡിയയില് തരംഗമാകുമ്പോള്, ഈ യാത്രയ്ക്ക് പിന്നിലെ പ്രധാന സംഘാടകനായ ബാലഗോപാലും ശ്രദ്ധാകേന്ദ്രമാകുന്നു. ഫുട്ബോള് ഇതിഹാസം ലയണല് മെസിയുടെ മത്സരം കാണാന് അമേരിക്കയിലെത്തിയ മോഹന്ലാലിനൊപ്പം എല്ലാ ഘട്ടത്തിലും നിഴല്പോലെ കൂടെയുള്ളത് പ്രമുഖ വ്യവസായിയായ ദേവി ഫാര്മ ബാലഗോപാലാണ്.
മണ്ണ് തിന്നാനും മടിയില്ലാതെ പഠിച്ചു മാർക്ക് വാങ്ങിയവർ ; ഉന്നത വിദ്യാഭ്യാസ രംഗത്ത് വമ്പൻ മാറ്റങ്ങൾ പ്രസംഗിക്കുന്നവർ ഇത് കാണുന്നില്ലേ? ;സെക്രട്ടറിയേറ്റിന് മുന്നിലെ ‘മണ്ണ് സമരവും’ ഉന്നത വിദ്യാഭ്യാസ പരിഷ്കാരങ്ങളും!
പ്രശസ്ത ഔഷധ വിതരണ ശൃംഖലയായ ‘ദേവി ഫാര്മ’യുടെ അമരക്കാരന് എന്നതിനൊപ്പം നിലവില് ഗുരുവായൂര് ദേവസ്വം ബോര്ഡ് അംഗം കൂടിയാണ് ബാലഗോപാല്. സിനിമാരാഷ്ട്രീയസാമൂഹിക രംഗങ്ങളില് ഒരുപോലെ സ്വാധീനമുള്ള അദ്ദേഹം, മോഹന്ലാലിന്റെ ഈ അമേരിക്കന് പര്യടനത്തിലൂടെ കൂടുതല് ശ്രദ്ധേയനായി. ഏഷ്യാനെറ്റ് മുന് എം.ഡി. മാധവനും ബാലഗോപാലിനുമൊപ്പം സ്വകാര്യ ജെറ്റില് അമേരിക്കയിലുടനീളം സഞ്ചരിച്ച് ഫുട്ബോള് ആവേശം പങ്കിടുന്ന മോഹന്ലാലിന്റെ ചിത്രങ്ങള് ഇതിനോടകം വൈറലായിക്കഴിഞ്ഞു. ആഡംബര പൂര്ണ്ണമായ ഈ യാത്രയില് മോഹന്ലാലിന്റെ പ്രധാന സഹയാത്രികനായി മാറിയിരിക്കുകയാണ് ബാലഗോപാല്.
കേരള കോണ്ഗ്രസ് ബി.യുടെ സംസ്ഥാന ട്രഷറര് കൂടിയാണ് ബാലഗോപാല്. സജീവ രാഷ്ട്രീയത്തില് പ്രവര്ത്തിക്കുമ്പോഴും സര്വ്വസ്വീകാര്യനായ വ്യക്തിത്വത്തിന് ഉടമയായ അദ്ദേഹത്തിന് സാംസ്കാരികസിനിമാ ലോകവുമായി ദീര്ഘകാലത്തെ ആത്മബന്ധമാണുള്ളത്. മലയാള സിനിമയിലെ പ്രമുഖരുമായി ബാലഗോപാലിനുള്ള അടുത്ത സൗഹൃദത്തിന്റെ ആഴം വെളിപ്പെടുത്തുന്നതാണ് ഈ അമേരിക്കന് യാത്ര. സിനിമാ മേഖലയിലെ പല പ്രമുഖരുടെയും വിശ്വസ്തനായ സുഹൃത്തായ അദ്ദേഹത്തിന് മോഹന്ലാലുമായുള്ള ബന്ധം ഏറെ പ്രത്യേകതകള് നിറഞ്ഞതാണ്.
അമേരിക്കയിലെ മത്സരവേദികളിലേക്കുള്ള യാത്രയും താമസവും ഉള്പ്പെടെയുള്ള കാര്യങ്ങള് അതിമനോഹരമായി ആസൂത്രണം ചെയ്യാന് ബാലഗോപാലിന്റെ നേതൃത്വത്തിന് സാധിച്ചിട്ടുണ്ട്. സ്വകാര്യ ജെറ്റിലെ യാത്രകള് മുതല് ഫുട്ബോള് ഗാലറിയിലെ നിമിഷങ്ങള് വരെ മോഹന്ലാലിന് വേറിട്ടൊരു അനുഭവമാക്കി മാറ്റാന് അദ്ദേഹം മുന്നില്നിന്നു. എന്തിനും ഏതിനും ലാലേട്ടനൊപ്പം ബാലഗോപാലുമുണ്ട്. ബാലഗോപാലിന്റെ സാന്നിധ്യമാണ് മോഹന്ലാലിന് അമേരിക്കയില് ഇപ്പോള് കരുത്തായി മാറുന്നതും.
ബിസിനസ് രംഗത്തെ മികവിനൊപ്പം പൊതുപ്രവര്ത്തനത്തിലും ദേവസ്വം ബോര്ഡിന്റെ ഭരണനിര്വ്വഹണത്തിലും സജീവമായി ഇടപെടുന്ന ബാലഗോപാലിന്റെ ഈ സംഘാടകശേഷി മലയാള സിനിമാലോകത്തും ഏറെ പ്രശംസ പിടിച്ചുപറ്റിയിട്ടുണ്ട്. സൗഹൃദങ്ങള്ക്ക് ഏറെ വിലകല്പിക്കുന്ന അദ്ദേഹത്തിന്റെ വ്യക്തിബന്ധങ്ങളാണ് ഈ യാത്രയുടെ വിജയത്തിന് പിന്നില്. കെബി ഗണേഷ് കുമാറിന്റെ അടുത്ത സുഹൃത്താണ് ഇദ്ദേഹം. ഗണേഷിന്റെ ജീവിത വിവാദങ്ങളില് താങ്ങും തണലും. ഭാര്യയുമായുള്ള പ്രശ്നവും സഹോദരിമാരുമായുള്ള കേസും പറഞ്ഞു തീര്ത്ത കൂട്ടുകാരന്.
സിനിമയിലും രാഷ്ട്രീയത്തിലും ഒരുപോലെ സുഹൃദ് വലയങ്ങളുള്ള ബാലഗോപാലിന് ലാലേട്ടനുമൊത്തുള്ള ഈ അമേരിക്കന് ഫുട്ബോള് യാത്ര മറ്റൊരു നിയോഗം പോലെയായി മാറിയിരിക്കുകയാണ്. ജോലിത്തിരക്കുകളില് നിന്ന് മാറി സൗഹൃദത്തിന്റെയും കായിക ആവേശത്തിന്റെയും പുതിയൊരു തലം കണ്ടെത്താന് ഈ യാത്ര സഹായിച്ചു.
മോഹന്ലാലും ബാലഗോപാലും ഒരുമിച്ചുള്ള ചിത്രങ്ങള്ക്ക് സോഷ്യല് മീഡിയയില് വന് സ്വീകാര്യതയാണ് ലഭിക്കുന്നത്. ലോകോത്തര കായിക മാമാങ്കത്തിന്റെ ആവേശം മലയാളി പ്രേക്ഷകരിലേക്ക് എത്തിക്കുന്നതില് ഈ സൗഹൃദ സംഘത്തിന്റെ സാന്നിധ്യം വലിയൊരു പങ്കുവഹിച്ചിട്ടുണ്ട്.
വ്യവസായ ലോകത്തും രാഷ്ട്രീയത്തിലും തന്റേതായ മുദ്ര പതിപ്പിച്ച ബാലഗോപാല്, മോഹന്ലാലിന്റെ അമേരിക്കന് യാത്രയിലെ പ്രധാന ശക്തികേന്ദ്രമായി മാറിയതോടെ മലയാളിയുടെ മനസ്സില് ഈ സൗഹൃദഗാഥ പുതിയൊരു അധ്യായമായി മാറുകയാണ്.
