പത്തനംതിട്ട: ശക്തമായ മഴയെ തുടർന്ന് ഇന്നലെ വെള്ളത്തിലായ പത്തനംതിട്ട റാന്നിയില് വെള്ളം പൂർണമായും ഇറങ്ങി. പമ്പ നദിയിലും ജലനിരപ്പ് താഴ്ന്നു വരികയാണ്. ഇന്നലെ ഒരു ദിവസം കൊണ്ട് കോടികളുടെ നാശനഷ്ടമാണ് വ്യാപാരികള്ക്കുണ്ടായത്.
ലോക ലഹരിവിരുദ്ധ ദിനം : ലഹരി മാഫിയക്കെതിരെ ‘ഓപ്പറേഷൻ തൂഫാൻ’: സിനിമാ-രാഷ്ട്രീയ മേഖലകളിലും കർശന പരിശോധനയുമായി കേരളം
ഓണക്കാലമായതിനാൽ മിക്ക കടകളിലും വലിയ അളവിൽ സാധനങ്ങളുണ്ടായിരുന്നു.കനത്ത മഴയെതുടർന്ന് അപ്രതീക്ഷിതമായി വെള്ളപ്പൊക്കം ഉണ്ടായതോടെ കച്ചവടസാധനങ്ങളൊന്നും സുരക്ഷിതമായ സ്ഥാനത്തേയ്ക്ക് മാറ്റാനുള്ള സാവകാശം കിട്ടിയില്ലെന്ന് വ്യാപാരികൾ പറയുന്നു. പ്രദേശത്തെ ലോട്ടറി വ്യാപാരികൾക്ക് നാല് ലക്ഷം രൂപയ്ക്ക് മുകളിൽ നാശനഷ്ടമുണ്ടായി. ഓണം ബമ്പർ ഉൾപ്പടെയുള്ള ലോട്ടറി ടിക്കറ്റുകൾ വെള്ളത്തിൽ ഒലിച്ചുപോയി. ഇന്നലെ ചന്ത ദിവസമായിരുന്നതിനാൽ പ്രദേശത്തെ കടകളിൽ കൂടുതൽ സാധനങ്ങൾ ഇറക്കുമതി ചെയ്തിരുന്നു. ഇവയെല്ലാം വെള്ളം കൊണ്ടുപോയി.വ്യാപാരികൾക്കുണ്ടായ നാശനഷ്ടങ്ങളുടെ കണക്കെടുക്കണമെന്നും ആനുപാതികമായ നഷ്ടപരിഹാരം ഉറപ്പാക്കണമെന്നും ജില്ലാ ഭരണകൂടത്തോട് ആവശ്യപ്പെട്ടിട്ടുണ്ടെന്ന് റാന്നി എംഎൽഎ പഴകുളം മധു പ്രതികരിച്ചു.
മുലപ്പാൽ തൊണ്ടയിൽ കുടുങ്ങി; പാലക്കാട് 56 ദിവസം പ്രായമുള്ള കുഞ്ഞിന് ദാരുണാന്ത്യം
