ന്യൂഡൽഹി: മലയാളി വീണ്ടും ബഹിരാകാശത്തോളം ഉയരുകയാണ്. അമേരിക്കൻ ബഹിരാകാശ ഏജൻസിയായ നാസയുടെ പുതിയ ചാന്ദ്ര ദൗത്യങ്ങൾക്കായുള്ള യാത്രികരുടെ പട്ടികയിൽ മലയാളി വംശജനായ അനിൽ മേനോൻ ഇപ്പോൾ വാർത്തകളിൽ ഇടംപിടിച്ചിരിക്കുന്നത് . പാലക്കാട് വേരുകളുള്ള അനിൽ മേനോൻ ഭാവിയിൽ ചന്ദ്രനിലേക്കും ചൊവ്വയിലേക്കുമുള്ള നാസയുടെ ദൗത്യങ്ങളിൽ പങ്കാളിയായേക്കും.
ദേവാൻഷ് ശൗര്യയുടെ മരണം: കുറ്റക്കാർക്കെതിരെ നടപടി വേണമെന്ന് കുടുംബം; മുഖ്യമന്ത്രിയെ കാണും
പാലക്കാട് നിന്നും അമേരിക്കയിലേക്ക് കുടിയേറിയ ശങ്കരൻ മേനോന്റെയും ഉക്രൈൻ സ്വദേശിനിയായ കാതലീന്റെയും മകനാണ് അനിൽ മേനോൻ. യു.എസ്. എയർഫോഴ്സിൽ ലെഫ്റ്റനന്റ് കേണലായ അദ്ദേഹം മികച്ച ഒരു ഫ്ലൈറ്റ് സർജൻ കൂടിയാണ്. 2021-ലാണ് നാസയുടെ ഭാവി ബഹിരാകാശ ദൗത്യങ്ങൾക്കായുള്ള 10 അംഗ അസ്ട്രോനോട്ട് കാൻഡിഡേറ്റ് ക്ലാസിലേക്ക് പതിനായിരക്കണക്കിന് അപേക്ഷകരിൽ നിന്ന് അനിൽ മേനോൻ തിരഞ്ഞെടുക്കപ്പെടുന്നത്.
ഇലോൺ മസ്കിന്റെ പ്രമുഖ ബഹിരാകാശ കമ്പനിയായ സ്പേസ് എക്സിന്റെ ആദ്യത്തെ മെഡിക്കൽ ഡയറക്ടറായി സേവനമനുഷ്ഠിച്ച വ്യക്തി കൂടിയാണ് അദ്ദേഹം. സ്പേസ് എക്സിന്റെ മനുഷ്യരെ വഹിച്ചുകൊണ്ടുള്ള ആദ്യത്തെ ബഹിരാകാശ ദൗത്യങ്ങളിൽ നിർണായക പങ്കുവഹിക്കാൻ അനിൽ മേനോന് സാധിച്ചിട്ടുണ്ട്.
മാനസികാരോഗ്യ കേന്ദ്രങ്ങളിലെ അകത്തളങ്ങളിൽ എന്താണ് സംഭവിക്കുന്നത്? ഹൈക്കോടതി കണ്ടത് ഗുരുതരമായ ചില കാര്യങ്ങൾ? ഇനി നിർണായക നീക്കം?”
പരിശീലനവും ഭാവി ദൗത്യങ്ങളും
നാസയുടെ ജോൺസൺ സ്പേസ് സെന്ററിൽ രണ്ട് വർഷത്തോളം നീണ്ടുനിന്ന കഠിനമായ ബഹിരാകാശ യാത്രാ പരിശീലനം അനിൽ മേനോൻ വിജയകരമായി പൂർത്തിയാക്കിയിരുന്നു. ബഹിരാകാശ പേടകങ്ങൾ നിയന്ത്രിക്കൽ, റോബോട്ടിക്സ്, സ്പേസ്വാക്ക് , കഠിനമായ അതിജീവന രീതികൾ എന്നിവയിലെല്ലാം അദ്ദേഹം വിദഗ്ദ്ധ പരിശീലനം നേടിയിട്ടുണ്ട്.
നാസയുടെ വരാനിരിക്കുന്ന ‘ആർട്ടെമിസ്’ ചാന്ദ്ര ദൗത്യങ്ങളിലോ, അന്താരാഷ്ട്ര ബഹിരാകാശ നിലയത്തിലേക്കുള്ള യാത്രകളിലോ ഇദ്ദേഹത്തെ ഉൾപ്പെടുത്തിയേക്കുമെന്നാണ് റിപ്പോർട്ടുകൾ.
ഇന്ത്യൻ വംശജരായ കൽപ്പന ചൗളയ്ക്കും സുനിത വില്യംസിനും രാജാ ചാരിക്കും ശേഷം ബഹിരാകാശത്തേക്ക് യാത്ര തിരിക്കാൻ ഒരുങ്ങുന്ന പ്രവാസി ഭാരതീയരുടെ പട്ടികയിലാണ് അനിൽ മേനോൻ ഇടംപിടിച്ചിരിക്കുന്നത്.
അതോടൊപ്പം, ഇന്ത്യയുടെ സ്വന്തം ‘ഗഗൻയാൻ’ ദൗത്യത്തിലൂടെ മലയാളി പൈലറ്റായ ഗ്രൂപ്പ് ക്യാപ്റ്റൻ പ്രശാന്ത് ബാലകൃഷ്ണൻ നായരും ബഹിരാകാശത്തേക്ക് പോകാൻ തയ്യാറെടുക്കുന്ന ഈ വേളയിൽ, അനിൽ മേനോന്റെ ഈ നേട്ടം ആഗോളതലത്തിൽ മലയാളികൾക്ക് ഇരട്ടി മധുരമാണ് പകരുന്നത്.
