വീടുകളിൽ കൊതുകുകളെ തുരത്താൻ വ്യാപകമായി ഉപയോഗിക്കുന്ന ചില അഗർബത്തികൾ ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നതായി റിപ്പോർട്ട്. നിയമപരമായ രജിസ്ട്രേഷനോ ആവശ്യമായ അംഗീകാരങ്ങളോ ഇല്ലാതെ വിപണിയിലിറങ്ങുന്ന ഇത്തരം വ്യാജ ഉത്പന്നങ്ങൾക്കെതിരെ പൊതുജനങ്ങൾ ജാഗ്രത പാലിക്കണമെന്ന് വിദഗ്ധർ മുന്നറിയിപ്പ് നൽകുന്നു.
രണ്ട് ദിവസത്തിലധികം പനി തുടരുന്നുണ്ടോ? ചികിത്സ തേടാൻ വൈകരുത്
ഹോം ഇൻസെക്ട് കൺട്രോൾ അസോസിയേഷൻ (HICA) നടത്തിയ പൊതുജനാരോഗ്യ സർവേ പ്രകാരം, രാജ്യത്തെ 70 ശതമാനത്തോളം ഡോക്ടർമാരും വ്യക്തമാക്കുന്നത് അംഗീകാരമില്ലാത്ത രാസവസ്തുക്കൾ അടങ്ങിയ ഇത്തരം അഗർബത്തികളുടെ ഉപയോഗം ഗുരുതരമായ ശ്വാസകോശ രോഗങ്ങൾക്ക് കാരണമാകുമെന്നാണ്. ഉത്പന്നങ്ങൾ ഉപയോഗിക്കുന്ന സമയത്ത് പെട്ടെന്ന് ദോഷങ്ങൾ തിരിച്ചറിയാൻ സാധിക്കില്ലെങ്കിലും, ഇവയിൽ നിന്നുള്ള പുക ദീർഘകാലം ശ്വസിക്കുന്നത് ആരോഗ്യത്തിന് വലിയ ഭീഷണിയാണ് ഉയർത്തുന്നത്.
വിപണിയിൽ ലഭ്യമാകുന്ന ‘സ്ലീപ് വെൽ’ (Sleep Well), ‘കംഫർട്ട്’ (Comfort) തുടങ്ങിയ പ്രമുഖ ബ്രാൻഡുകളുടെ പേരുകളിലുള്ള വ്യാജ അഗർബത്തികൾക്കെതിരെ മഹാരാഷ്ട്ര സർക്കാർ ഇതിനകം തന്നെ റെയ്ഡുകൾ നടത്തുകയും ഇവയുടെ വിൽപ്പന നിരോധിക്കുകയും ചെയ്തിട്ടുണ്ട്. കൂടാതെ ഉത്തർപ്രദേശിലെ വിവിധ ജില്ലകളിലും ഇത്തരം ഉത്പന്നങ്ങൾക്കെതിരെ ശക്തമായ നടപടികൾ സ്വീകരിച്ചു വരുന്നു. എന്നാൽ ‘ബോഡിഗാർഡ്’ (Bodyguard), ‘നൈസ് സ്ലീപ്’ (Nice Sleep), ‘തണ്ടർ’ (Thunder) തുടങ്ങിയ പേരുകളിലുള്ള മറ്റ് പല ഉത്പന്നങ്ങളും ഇപ്പോഴും വിപണിയിൽ സജീവമാണ്.
കുടുംബ ബജറ്റ് താളം തെറ്റാൻ സാധ്യത, ചിക്കൻ വില കുതിച്ചുയരുന്നു
ലബോറട്ടറി പരിശോധനകളിൽ ഇത്തരം അഗർബത്തികളിൽ മനുഷ്യശരീരത്തിന് ഹാനികരമായ ‘മെപ്പർഫ്ലൂത്തിൻ’ (Meperfluthrin), ‘ഡൈമെഫ്ലൂത്രിൻ’ (Dimefluthrin) തുടങ്ങിയ മാരക കീടനാശിനി രാസവസ്തുക്കൾ അടങ്ങിയിട്ടുണ്ടെന്ന് കണ്ടെത്തിയിട്ടുണ്ട്. ഈ പശ്ചാത്തലത്തിൽ, ഇത്തരം ഉത്പന്നങ്ങൾ നിർമ്മിക്കുന്ന കമ്പനികൾക്കെതിരെ അധികൃതർ കേസുകൾ രജിസ്റ്റർ ചെയ്തിട്ടുണ്ട്.
ഉപഭോക്താക്കൾ ശ്രദ്ധിക്കേണ്ട കാര്യങ്ങൾ:
കൊതുക് നിവാരണത്തിനായുള്ള അഗർബത്തികൾ വാങ്ങുന്നതിന് മുൻപ് അവയ്ക്ക് കേന്ദ്ര കീടനാശിനി ബോർഡിന്റെയും രജിസ്ട്രേഷൻ കമ്മിറ്റിയുടെയും (CIBRC) സാധുവായ CIBRC അല്ലെങ്കിൽ CIR രജിസ്ട്രേഷൻ നമ്പർ ഉണ്ടെന്ന് ഉപഭോക്താക്കൾ ഉറപ്പുവരുത്തേണ്ടതാണ്. വിലക്കുറവോ വ്യാജ ബ്രാൻഡ് പേരുകളോ കണ്ട് ഇത്തരം ഉത്പന്നങ്ങൾ വാങ്ങി ആരോഗ്യപ്രശ്നങ്ങൾ ക്ഷണിച്ചുവരുത്തരുതെന്ന് അധികൃതർ ഓർമ്മിപ്പിക്കുന്നു.
