ഏറെ പ്രതീക്ഷയോടെ കാത്തിരിക്കുന്ന മിസ്റ്ററി ഡ്രാമ ചിത്രം ‘സാക്ഷികൾ’ സിനിമയുടെ ഔദ്യോഗിക ഫസ്റ്റ് ലുക്ക് പോസ്റ്റർ പുറത്തുവിട്ടു. എഴുത്തുകാരനും നോവലിസ്റ്റുമായ പി.എസ്. അർജുൻ ആദ്യമായി സംവിധാനം ചെയ്യുന്ന ചിത്രമാണിത്. സിനിമയുടെ തിരക്കഥ ഒരുക്കിയിരിക്കുന്നതും അദ്ദേഹം തന്നെയാണ്.
രായര പിക്ചേഴ്സിന്റെ ബാനറിൽ പുനീത് നിർമിക്കുന്ന ചിത്രം 2027- ൽ തിയേറ്ററുകളിൽ എത്തിക്കാനാണ് ലക്ഷ്യമിടുന്നത്. തന്റെ ജീവിതയാത്രയിൽ കണ്ടുമുട്ടിയ യഥാർഥ കഥാപാത്രങ്ങളിൽനിന്നും യഥാർഥ സംഭവങ്ങളിൽനിന്നും പ്രചോദനം ഉൾക്കൊണ്ടാണ് ‘സാക്ഷികൾ’ എന്ന ഈ മിസ്റ്ററി ഡ്രാമ ഒരുക്കിയിരിക്കുന്നതെന്ന് ചിത്രത്തിന്റെ സംവിധായകനും തിരക്കഥാകൃത്തുമായ പി.എസ്. അർജുൻ പങ്കുവെച്ചു.
“കാർത്തിക് സൂര്യയുടെ പ്രതിഫലം കേട്ട് ഞെട്ടിയോ? ഒരു ലക്ഷം ചോദിച്ചപ്പോൾ ലഭിച്ച മറുപടി ഇതായിരുന്നു… ടിവി ലോകത്തെ പ്രതിഫല രഹസ്യം തുറന്ന് പറഞ്ഞ് താരം!”
മുഖ്യ വേഷത്തിൽ എത്തുന്ന സൈജു കുറുപ്പിനൊപ്പം മികച്ച താരനിര തന്നെയാണ് ചിത്രത്തിലെ ദുരൂഹതകൾ നിറഞ്ഞ കഥാപാത്രങ്ങളായി സ്ക്രീനിൽ വരുന്നതും . രഘുനാഥ് പലേരി, നിഷാന്ത് സാഗർ, അഭിമന്യു എസ്. തിലകൻ, ശീതൾ ജോസഫ്, അഭിരാം രാധാകൃഷ്ണൻ, നിരഞ്ജ് മണിയൻപിള്ള, ഗോകുലൻ എം.എസ്, ഹരിത് വിജയകൃഷ്ണൻ, ദേവനന്ദ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ആനന്ദ് മീനാക്ഷിയാണ് ഛായാഗ്രഹണം നിർവ്വഹിക്കുന്നത്. എബി സാമുവൽ സംഗീത സംവിധാനവും രതിൻ രാധാകൃഷ്ണൻ ചിത്രസംയോജനവും കൈകാര്യം ചെയ്യുന്നു. അജയ് മങ്ങാട് (കല), സുധി സുരേന്ദ്രൻ (ചമയം), അനീഷ് പെരമ്പിലാവ് (പ്രൊഡക്ഷൻ കൺട്രോളർ), ചീഫ് അസോസിയേറ്റ് ഡയറക്ടർ അനീഷ് ജോർജ്, അസോസിയേറ്റ് ഡയറക്ടർമാരായ രാകേഷ് കൃഷ്ണൻ ജി, ജിഷ്ണു ലക്ഷ്മൺ, പി. ശിവപ്രസാദ്(പി.ആർ.ഒ.) എന്നിവരാണ് മറ്റ് അണിയറ പ്രവർത്തകർ.
കുഞ്ഞ് വേണ്ട എന്ന തീരുമാനത്തിന് കാരണം തുറന്ന് പറഞ്ഞ് പാര്വതി തിരുവോത്ത്
