തിരുവനന്തപുരം: സംസ്ഥാന സർക്കാരിന്റെ നൂറുദിന കർമ്മപദ്ധതിയിൽ ഉൾപ്പെടുത്തി പുതുതായി അനുവദിച്ച മുൻഗണനാ റേഷൻ കാർഡുകളുടെ സംസ്ഥാനതല വിതരണോദ്ഘാടനം നാളെ (ഓഗസ്റ്റ് 3) തിരുവനന്തപുരത്ത് നടക്കും. രാവിലെ 11 മണിക്ക് കനകക്കുന്ന് പാലസ് മെയിൻ ഹാളിൽ നടക്കുന്ന ചടങ്ങിൽ മുഖ്യമന്ത്രി വി.ഡി. സതീശൻ വിതരണോദ്ഘാടനം നിർവ്വഹിക്കും.
മകളെ ബസ് കയറ്റി വിടാനെത്തി; ശേഷം സ്കൂട്ടറിനടുത്തേക്ക് നടന്ന സ്ത്രീ കെഎസ്ആർടിസി ബസിടിച്ച് ദാരുണാന്ത്യം
ഭക്ഷ്യ വകുപ്പ് മന്ത്രി അനൂപ് ജേക്കബ് അധ്യക്ഷത വഹിക്കുന്ന ചടങ്ങിൽ മന്ത്രി കെ. മുരളീധരൻ മുഖ്യപ്രഭാഷണവും മന്ത്രി സി.പി. ജോൺ മുഖ്യാതിഥിയുമായി പങ്കെടുക്കും.
പുതിയ കാർഡുകളുടെ വിശദാംശങ്ങൾ:
-
പിങ്ക് കാർഡ് (PHH): 73,024 കുടുംബങ്ങൾക്ക് പുതുതായി മുൻഗണനാ വിഭാഗത്തിലേക്ക് മാറ്റം ലഭിച്ചു.
-
മഞ്ഞ കാർഡ് (AAY): സമൂഹത്തിലെ ഏറ്റവും നിർദ്ധനരായ കുടുംബങ്ങൾക്കായി 2,000 പുതിയ എ.എ.വൈ (AAY) കാർഡുകൾ അനുവദിച്ചു. തിരഞ്ഞെടുത്ത 6,900 കുടുംബങ്ങളിൽ നിന്നാണ് ആദ്യഘട്ടത്തിലെ 2,000 പേരെ കണ്ടെത്തിയത്.
-
ചടങ്ങിൽ ഇരുവിഭാഗങ്ങളിലുമായി തിരഞ്ഞെടുത്ത 20 പേർക്ക് മുഖ്യമന്ത്രി നേരിട്ട് റേഷൻ കാർഡുകൾ കൈമാറും.
വി.ഡി സതീശനും കോടീശ്വരൻ; 3,660 കോടി! രാജ്യത്തെ 31 മുഖ്യമന്ത്രിമാരുടെയും ആസ്തി കണക്ക് പുറത്ത്; ഒന്നാമത് ആരെന്നറിയാമോ?
മാറിവരുന്ന സാമൂഹിക സാമ്പത്തിക ഘടകങ്ങൾ പരിഗണിച്ച് അനർഹരെ മുൻഗണനാ പട്ടികയിൽ നിന്ന് ഒഴിവാക്കി, ഏറ്റവും അർഹരായ മുഴുവൻ കുടുംബങ്ങൾക്കും ആനുകൂല്യം ലഭ്യമാക്കുന്നതിന്റെ ഭാഗമായാണ് പുതിയ കാർഡുകൾ അനുവദിച്ചതെന്ന് ഭക്ഷ്യമന്ത്രി അനൂപ് ജേക്കബ് വ്യക്തമാക്കി.
ചടങ്ങിൽ ഭക്ഷ്യ പൊതുവിതരണ വകുപ്പ് പ്രിൻസിപ്പൽ സെക്രട്ടറി ഡോ. ഷർമിള മേരി ജോസഫ് ഐ.എ.എസ്, തിരുവനന്തപുരം മേയർ വി.വി. രാജേഷ്, ഡോ. ശശി തരൂർ എം.പി, സപ്ലൈകോ മാനേജിംഗ് ഡയറക്ടർ ജയകൃഷ്ണൻ വി.എം, വാർഡ് കൗൺസിലർ കെ.ആർ. ക്ലീറ്റസ്, ലീഗൽ മെട്രോളജി കൺട്രോളർ രാജേഷ് സാം, പൊതുവിതരണ ഉപഭോക്തൃകാര്യ കമ്മീഷണർ ഹിമ കെ. എന്നിവർ പങ്കെടുക്കും.
