കണ്ണൂര്: പോലീസിന്റെയും രഹസ്യാന്വേഷണ വിഭാഗത്തിന്റെയും ഐപി അഡ്രസ് സിഗ്നലുകളെയും നിഷ്പ്രഭമാക്കി ഒളിവില് കഴിഞ്ഞിരുന്ന അര്ജുന് ആയങ്കി, സോഷ്യല് മീഡിയയില് വിരല്തൊട്ടിരുന്നത് സ്വന്തം ഫോണില് നിന്നല്ലെന്ന് വ്യക്തമാകുന്ന പുതിയ വിവരങ്ങള് പുറത്ത്. തനിക്കൊപ്പം സഞ്ചരിച്ചിരുന്ന സാധാരണക്കാരനായ ഓട്ടോറിക്ഷ ഡ്രൈവറുടെ മൊബൈല് ഫോണ് ഉപയോഗിച്ചാണ് ഇയാള് ഫെയ്സ്ബുക്കിലും മറ്റ് മാധ്യമങ്ങളിലും തുടര്ച്ചയായി പോസ്റ്റുകള് പങ്കുവെച്ചിരുന്നതെന്നാണ് പോലീസ് അന്വേഷണത്തില് കണ്ടെത്തിയിരിക്കുന്നത്.
സ്വന്തം പേരില് അഞ്ച് ഫോണുകളും വിപിഎന് സാങ്കേതികവിദ്യയും കൈവശമുണ്ടായിരുന്നെങ്കിലും, പോലീസിനെ തെറ്റിദ്ധരിപ്പിക്കാന് ആയങ്കി ആസൂത്രിതമായ മറ്റൊരു തന്ത്രമാണ് പയറ്റിയത്. താന് യാത്ര ചെയ്തിരുന്ന ഓട്ടോറിക്ഷയിലെ ഡ്രൈവറെ വിശ്വസിച്ചെടുക്കുകയും ഇയാളുടെ ഫോണ് വാങ്ങി സോഷ്യല് മീഡിയ അക്കൗണ്ടുകളിലേക്ക് ലോഗിന് ചെയ്യുകയുമായിരുന്നു. ഇത്തരം ഡിജിറ്റല് ചതിയാണ് തുടക്കത്തില് സൈബര് സെല്ലിനെയും അന്വേഷണ സംഘത്തെയും കടുത്ത ആശയക്കുഴപ്പത്തിലാക്കിയത്. ആയങ്കിയുടെ സ്വന്തം ഫോണുകള് പൂട്ടി വെച്ച നിലയിലായിരുന്നതിനാല് ടവര് ലൊക്കേഷന് കണ്ടെത്താന് കഴിഞ്ഞിരുന്നില്ല. അതേസമയം ഇയാള് സോഷ്യല് മീഡിയയില് തുടര്ച്ചയായി പോസ്റ്റുകള് ഇടുകയും ചെയ്തിരുന്നു.
ആയങ്കിയുടെ ഫെയ്സ്ബുക്ക് പോസ്റ്റുകളുടെ ഐപി അഡ്രസും സിഗ്നലുകളും പിന്തുടര്ന്ന പോലീസ് എത്തിയത് നിരപരാധിയായ ഒരു ഓട്ടോ ഡ്രൈവറുടെ വിലാസത്തിലേക്കായിരുന്നു. പോലീസിനെ വഴിതിരിച്ചുവിടാനും അന്വേഷണത്തിന്റെ സമയക്രമം തെറ്റിക്കാനും ആയങ്കി ആസൂത്രണം ചെയ്ത ഈ നീക്കം ആദ്യഘട്ടത്തില് ഫലം കണ്ടിരുന്നു. ഈ ഓട്ടോറിക്ഷാകാരന്റെ മൊഴിയും അറസ്റ്റില് നിര്ണ്ണായകമായി.. കണ്ണൂര് പഴയ ബസ്റ്റാന്ഡ് പരിസരത്തെ അഭിഭാഷകയുടെ വീട്ടില് നിന്നായിരുന്നു അറസ്റ്റ്. സാധാരണക്കാരായ ആളുകളുടെ അപാരമായ നിഷ്കളങ്കതയും പാവപ്പെട്ട ഡ്രൈവര്മാരുടെ ഫോണുകളും ഉപയോഗിച്ച് സ്വന്തം താവളം രഹസ്യമാക്കി വെക്കുന്നതില് ആയങ്കി വിജയിക്കുകയായിരുന്നു. തങ്ങളുടെ ഫോണിലൂടെ നടക്കുന്ന കുറ്റകൃത്യങ്ങളെക്കുറിച്ച് ഇത്തരം ഡ്രൈവര്മാര്ക്ക് യാതൊരു അറിവുമുണ്ടായിരുന്നില്ല.
സോഷ്യല് മീഡിയ പോസ്റ്റുകളുടെ സമയം പരിശോധിച്ച് ടവര് ലൊക്കേഷന് ട്രാക്ക് ചെയ്യുമ്പോള് പ്രതി വേറെവിടെയോ ആണെന്ന തെറ്റായ നിഗമനത്തിലേക്ക് പോലീസ് എത്താന് ഇതാണ് കാരണമായത്. ഹൈടെക് വിപിഎന് തന്ത്രങ്ങള്ക്ക് പുറമെ ഇത്തരമൊരു പ്രാദേശിക തന്ത്രം കൂടി ഇയാള് മെനഞ്ഞെടുത്തിരുന്നു. എന്നാല്, പോസ്റ്റുകള് വന്ന ടവര് ലൊക്കേഷനുകളും ആയങ്കി യാത്ര ചെയ്ത വഴികളും സമാന്തരമായി പരിശോധിച്ച് നടത്തിയ അതീവ സങ്കീര്ണമായ സൈബര് പരിശോധനയിലാണ് ഓട്ടോ ഡ്രൈവറുടെ ഫോണിന്റെ ദുരുപയോഗം പുറത്തുവന്നത്.
തിരുവിതാംകൂര് ദേവസ്വം ബോര്ഡില് നിഴല്ഭരണം: അഴിമതിക്കേസ് ഫയല് പൂഴ്ത്തിയ വിശ്വസ്തന് ഇപ്പോഴും പവറില്; തിരുവല്ലം ക്ഷേത്ര അഴിമതി അന്വേഷണം അട്ടിമറിക്കപ്പെടാന് സാധ്യത; ശബരിമല നെയ്യ് അഴിമതി ഫയല് മുക്കിയത് ആ വലംകൈ; ശാസനയെല്ലാം പഴയ കഥ; ആ ഉദ്യോഗസ്ഥനെ താക്കോല് സ്ഥാനത്ത് ഇരുത്തിയ വമ്പൻ ആര്? നെയ്യ് ‘ വിഴുങ്ങിയ ‘ ആറംഗ ഗൂഢസംഘം വിജിലൻസ് നിരീക്ഷണത്തിൽ !
ദേശീയപാതയിലെ ഗർത്തം: ജലഅതോറിറ്റിയുടെ മുന്നറിയിപ്പുകൾ അവഗണിച്ചെന്ന് വെളിപ്പെടുത്തൽ; അഞ്ചിടങ്ങളിൽ വൻ അപകടസാധ്യത.
ആയങ്കിയുടെ ഒപ്പമുണ്ടായിരുന്ന സുഹൃത്ത് ജിതിനെ കസ്റ്റഡിയിലെടുത്ത് ചോദ്യം ചെയ്തതോടെയാണ് ഈ തന്ത്രത്തിന്റെ ചുരുളഴിഞ്ഞത്. ഒളിവുയാത്രയില് ആരെയൊക്കെയാണ് ആയങ്കി ആശ്രയിച്ചതെന്നും ആരുടെയൊക്കെ ഫോണുകളാണ് ഉപയോഗിച്ചതെന്നും പോലീസ് കൃത്യമായി ചോര്ത്തിയെടുത്തു. ഡിജിറ്റല് തട്ടിപ്പിലൂടെയും വെര്ച്വല് ഐപികളിലൂടെയും പോലീസിന് മുന്നില് കറുത്ത പുകമറ സൃഷ്ടിക്കാന് ആയങ്കി ശ്രമിച്ചെങ്കിലും, പരമ്പരാഗത ചോദ്യം ചെയ്യല് രീതിയിലൂടെ ഡിഐജി കെ. കാര്ത്തികിന്റെ സംഘം ആ തന്ത്രങ്ങളെല്ലാം പൊളിച്ചടുക്കി.
ഓട്ടോ ഡ്രൈവറുടെ ഫോണ് വഴി സോഷ്യല് മീഡിയ ഉപയോഗിച്ച് പോലീസ് ആസ്ഥാനത്തെ വെല്ലുവിളിച്ച ആയങ്കിക്ക്, ഒടുവില് അതേ സിഗ്നലുകളുടെയും തെളിവുകളുടെയും അടിസ്ഥാനത്തില് കണ്ണൂരിലെ ഫ്ളാറ്റില് വെച്ച് കൈവിലങ്ങ് വീഴുകയും ചെയ്തു.
Disclaimer:
“The images and content displayed on this website are used for news reporting, informational, and editorial purposes. Some images, videos, and media may be sourced from external platforms such as Google Images, Instagram, Facebook, X (Twitter), news agencies, official sources, and other publicly available internet sources. We do not claim ownership of third-party content unless explicitly stated.”
