ചെന്നൈ : തമിഴ്നാട് മുഖ്യമന്ത്രി സി.ജോസഫ് വിജയ് കരൂരിൽ പങ്കെടുത്ത പൊതു സമ്മേളനത്തിന്റെ തത്സമയ ദൃശ്യങ്ങൾ സ്കൂളിൽ പ്രദർശിപ്പിച്ച പ്രധാനാധ്യാപികയെ സസ്പെൻഡ് ചെയ്തു. കൃഷ്ണരായപുരം പഞ്ചായത്ത് യൂണിയൻ മിഡിൽ സ്കൂൾ പ്രധാനാധ്യാപിക എസ്.മല്ലികയ്ക്കെതിരെയാണ് നടപടി. സ്കൂളുകളിൽ രാഷ്ട്രീയ പാർട്ടികളുടെ പരിപാടികൾ വിലക്കിയതായി വിദ്യാഭ്യാസ മന്ത്രി രാജ്മോഹൻ കഴിഞ്ഞ ദിവസം പ്രഖ്യാപിച്ചിരുന്നു.
കമ്പനി പൊട്ടിപ്പോയാലും , കമ്പനി നിക്ഷേപകരെ മുഴുവൻ പറ്റിച്ചാലും പേരുദോഷം AI യ്ക്ക്; പറ്റിച്ച ടാൽറോപ്പിന് എതിരെ ഒരുനടപടിയും ഇല്ലേ? “AI” എന്നത് ഇപ്പോൾ കമ്പനികളുടെ പുതിയ എക്സ്ക്യൂസ്!
വിദ്യാഭ്യാസ സ്ഥാപനങ്ങൾ പഠനത്തിനു മാത്രമുള്ളതാണെന്നും രാഷ്ട്രീയ പ്രവർത്തനങ്ങൾക്കുള്ളതല്ലെന്നും വ്യക്തമാക്കിയായിരുന്നു വിദ്യാഭ്യാസ വകുപ്പിന്റെ ഈ നടപടി. ഔദ്യോഗിക സർക്കാർ പരിപാടികളിൽ പങ്കെടുക്കുന്ന ജനപ്രതിനിധികൾക്ക് മാത്രമായിരിക്കും ഇനി മുതൽ സ്കൂളുകളിൽ പ്രവേശനം അനുവദിക്കുകയെന്ന് സ്കൂൾ വിദ്യാഭ്യാസ മന്ത്രി രാജ് മോഹൻ പുറത്തിറക്കിയ സർക്കുലറിൽ പറയുന്നു.തിരഞ്ഞെടുപ്പ് പ്രചാരണത്തിനിടയിൽ 41 പേരുടെ ജീവൻ പൊലിഞ്ഞ കരൂരിലേക്ക് ഒൻപത് മാസത്തിനു ശേഷം തമിഴ്നാട് മുഖ്യമന്ത്രി സി. ജോസഫ് വിജയ് തിരിച്ചെത്തി. ദുരന്തത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങൾക്ക് സർക്കാർ ജോലി നിയമന ഉത്തരവുകൾ കൈമാറാനും പ്രഖ്യാപിച്ച പദ്ധതികൾക്ക് തുടക്കം കുറിക്കാനുമാണ് വിജയ് കരൂരിലെത്തിയത്.
ഇതാണ് പ്രധാനാധ്യാപിക സ്കൂളിൽ പ്രദർശിപ്പിച്ചത്. കരൂരിൽ സന്ദർശനം നടത്തിയതിന്റെയും വിദ്യാർത്ഥികളുടെ സാന്നിധ്യത്തിന്റെയും തത്സമയ പ്രദർശനം കാണിക്കുന്ന ഒരു വീഡിയോ സോഷ്യൽ മീഡിയയിൽ പ്രത്യക്ഷപ്പെട്ട് മണിക്കൂറുകൾക്ക് ശേഷമാണ് നടപടി.തമിഴ്നാട് സിവിൽ സർവീസസ് നിയമങ്ങളിലെ റൂൾ 17 ലെ സബ്-റൂൾ (ഇ) പ്രകാരമാണ് എസ്. മല്ലികയെ സസ്പെൻഷൻ ചെയ്തതെന്ന് ഉത്തരവിൽ പറയുന്നു. തന്റെ എക്സ് ഹാൻഡിൽ സസ്പെൻഷൻ ഉത്തരവ് വിദ്യാഭ്യാസ മന്ത്രി രാജ്മോഹൻ പങ്കുവച്ചിരുന്നു.വിഷയത്തിൽ അടിയന്തരവും വിശദവുമായ അന്വേഷണത്തിന് ഉത്തരവിട്ടതായും മന്ത്രി പറഞ്ഞു. പ്രധാനാധ്യാപിക ഏകപക്ഷീയമായും വകുപ്പുതല ഉത്തരവുകൾ ലംഘിച്ചും പ്രവർത്തിച്ചതായി ഇതിൽ നിന്ന് സ്ഥിരീകരിച്ചു.
ഒടുവിൽ വഴങ്ങി പിഎസ്സി; 54 മാർക്കിന്റെ ചോദ്യങ്ങൾ കാണാതെ പോയതെങ്ങോട്ട്?; പ്ലാനിങ് ബോർഡ് നിയമന വിവാദത്തിൽ ക്രൈംബ്രാഞ്ചിന് മുഴുവൻ രേഖകളും കൈമാറി!
ജൂലൈ 9 ന് മന്ത്രി ഒപ്പിട്ട വകുപ്പ് പുറപ്പെടുവിച്ച ഉത്തരവിൽ “സർക്കാർ സംഘടിപ്പിക്കുന്ന ഔദ്യോഗിക പരിപാടികൾ ഒഴികെ, ജന്മദിന പാർട്ടികളോ സർക്കാരിതര പരിപാടികളോ നടത്തരുത്. ഒരു രാഷ്ട്രീയ പാർട്ടികൾക്കും സ്വകാര്യ സംഘടനകൾക്കും വിദ്യാർത്ഥികളെ നേരിട്ട് കാണാൻ അനുവാദമില്ല” എന്ന് പ്രസ്താവിച്ചു.ജൂലൈ 2 ന് ശിവകാശിയിലെ ഒരു സ്കൂളിൽ വ്യവസായ മന്ത്രി എസ്. കീർത്തന നടത്തിയ പരിശോധനയുടെ വീഡിയോ സോഷ്യൽ മീഡിയയിൽ പ്രത്യക്ഷപ്പെട്ടതിനെത്തുടർന്ന് ഉണ്ടായ കടുത്ത പ്രതിഷേധത്തെ തുടർന്നാണ് ഈ ഉത്തരവ് പുറത്തിറക്കിയത്. ഇംഗ്ലീഷിൽ ചോദ്യങ്ങൾക്ക് ഉത്തരം നൽകാത്തതിന് മന്ത്രി ഒരു വിദ്യാർത്ഥിയെ ശകാരിക്കുന്നത് കണ്ടു. സോഷ്യൽ മീഡിയയിൽ പ്രത്യക്ഷപ്പെട്ട മറ്റൊരു വീഡിയോയെക്കുറിച്ച് അന്വേഷണം നടക്കുന്നുണ്ടെന്നും രാജ്മോഹൻ പറഞ്ഞു.
