തിരുവനന്തപുരം: സംസ്ഥാന ചലച്ചിത്ര അക്കാദമിയില് വന് പുനസംഘടനയ്ക്ക് വഴിയൊരുങ്ങുന്നു. പ്രശസ്ത ചലച്ചിത്ര നടിയും സംസ്ഥാന ചലച്ചിത്ര പുരസ്കാര ജേതാവുമായ പ്രിയങ്കാ നായര് അക്കാദമി വൈസ് ചെയര്പേഴ്സണാകും. സംവിധായകനും നടനുമായ ജോയ് മാത്യുവിനെ ചെയര്മാനായി നിയമിക്കും. സാംസ്കാരിക വകുപ്പിന്റെ ഔദ്യോഗിക ഉത്തരവ് ഉടന് പുറത്തിറങ്ങും.
EXCLUSIVE വിവി രാജേഷിനെ പുറത്താക്കാന് സ്വപ്നം കാണുന്നവര് നിരാശരാകും; വാഴോട്ടുകോണം കൗണ്സിലറെ അയോഗ്യനാക്കാന് കഴിയില്ല; സുഗതനെ അയോഗ്യനാക്കാതിരിക്കാന് മേയര്ക്ക് ഡല്ഹിയില് നിന്ന് മുതിര്ന്ന അഭിഭാഷകന്റെ നിയമോപദേശം; തിരുവനന്തപുരം കോര്പ്പറേഷനിലെ അട്ടിമറി നീക്കങ്ങള് പൊളിയും; സിപിഎമ്മിനേയും കോണ്ഗ്രസിനേയും പൊളിച്ചടുക്കാന് രാജേഷിന് കിട്ടിയത് ‘വജ്രായുധം’
കോണ്ഗ്രസ് അനുകൂല സാംസ്കാരിക നിലപാടുകളിലൂടെയും രാഷ്ട്രീയ പ്രചാരണങ്ങളിലൂടെയും ശ്രദ്ധേയയായ പ്രിയങ്കാ നായരുടെ വരവ് അക്കാദമിയുടെ പ്രവര്ത്തനങ്ങളില് പുതിയ മാറ്റങ്ങള്ക്ക് തുടക്കമിടുമെന്നാണ് വിലയിരുത്തല്. മോഡലിംഗിലൂടെയും നൃത്തവേദികളിലൂടെയും കലാരംഗത്തെത്തിയ തിരുവനന്തപുരം സ്വദേശിയായ പ്രിയങ്ക, തമിഴിലെ സൂപ്പര്ഹിറ്റ് ചിത്രമായ ‘വെയില്’ എന്ന സിനിമയിലൂടെയാണ് അഭിനയരംഗത്ത് അരങ്ങേറ്റം കുറിച്ചത്. ആദ്യ ചിത്രത്തിലൂടെത്തന്നെ ദക്ഷിണേന്ത്യന് സിനിമാലോകത്തിന്റെ ശ്രദ്ധ പിടിച്ചുപറ്റാന് പ്രിയങ്കയ്ക്ക് സാധിച്ചു.
സംസ്ഥാന പുരസ്കാര നേട്ടം: 2008-ല് ടി.വി. ചന്ദ്രന് സംവിധാനം ചെയ്ത ‘വിലാപങ്ങള്ക്കപ്പുറം’ എന്ന ചിത്രത്തിലെ അഭിനയത്തിനാണ് പ്രിയങ്കയ്ക്ക് മികച്ച നടിക്കുള്ള സംസ്ഥാന ചലച്ചിത്ര പുരസ്കാരം ലഭിച്ചത്. ‘ഭൂമിമലയാളം’, ‘ഇവിടം സ്വര്ഗ്ഗമാണ്’, ‘ജനകന്’ തുടങ്ങിയ ഒട്ടനവധി ജനപ്രിയ ചിത്രങ്ങളില് മികച്ച കഥാപാത്രങ്ങളെ അവതരിപ്പിച്ചു. ചലച്ചിത്ര രംഗത്ത് സജീവമായിരിക്കെത്തന്നെ യു.ഡി.എഫ്. പ്രസ്ഥാനത്തോടും കോണ്ഗ്രസ് ആശയങ്ങളോടും ചേര്ന്നുനില്ക്കുന്ന വ്യക്തമായ രാഷ്ട്രീയ നിലപാട് പ്രിയങ്ക ഉയര്ത്തിപ്പിടിച്ചിരുന്നു. കഴിഞ്ഞ നിയമസഭാ തിരഞ്ഞെടുപ്പില് യു.ഡി.എഫ്. സ്ഥാനാര്ത്ഥികളുടെ വിജയത്തിനായി സംസ്ഥാനത്തുടനീളം സജീവമായി പ്രചാരണരംഗത്ത് പ്രിയങ്ക ഉണ്ടായിരുന്നു.
FIRST ON MANGALAM TV | ഇ.ഡി ആക്രമണക്കേസില് ഗീനാകുമാരി തെറിച്ചു; എ.സന്തോഷ്കുമാർ പുതിയ സ്പെഷ്യൽ പബ്ലിക് പ്രോസിക്യൂട്ടർ
അധ്യക്ഷ സ്ഥാനത്ത് ജോയ് മാത്യു
അക്കാദമി ചെയര്മാന് സ്ഥാനത്തേക്ക് നേരത്തെതന്നെ പേരുയര്ന്ന കേട്ട നടനും സംവിധായകനുമായ ജോയ് മാത്യുവിന്റെ നിയമനവും ഇതോടൊപ്പം നടക്കും. സമാന്തര സിനിമാ പാരമ്പര്യവും അന്താരാഷ്ട്ര ചലച്ചിത്ര കാഴ്ചപ്പാടുമുള്ള ജോയ് മാത്യുവിന്റെ നേതൃത്വം അക്കാദമിക്ക് വലിയ കരുത്താകും. കലാപാരമ്പര്യം: 1986-ല് ജോണ് അബ്രഹാമിന്റെ ‘അമ്മ അറിയാന്’ എന്ന സമാന്തര സിനിമയിലെ നായകനായാണ് കലാജീവിതം ആരംഭിക്കുന്നത്.
പ്രവാസവും സിനിമയും: പ്രവാസകാലത്ത് ദൃശ്യമാധ്യമപ്രവര്ത്തന രംഗത്ത് തിളങ്ങി. പിന്നീട് 2012-ല് പുറത്തിറങ്ങിയ ‘ഷട്ടര്’ എന്ന ചിത്രത്തിലൂടെ സ്വതന്ത്ര സംവിധായകനായി വന് വിജയം നേടി. ‘ആമേന്’ ഉള്പ്പെടെ നൂറിലേറെ ചിത്രങ്ങളില് ശ്രദ്ധേയ വേഷങ്ങള് ചെയ്തു. സ്വതന്ത്ര ശബ്ദം: ഇടതുപക്ഷ സര്ക്കാരുകളുടെ വീഴ്ചകളെയും സാംസ്കാരിക പ്രീണനങ്ങളെയും നിരന്തരം വിമര്ശിച്ച് യു.ഡി.എഫ്. ചേരിയിലെ പ്രമുഖ സാംസ്കാരിക ശബ്ദമായി നിലകൊള്ളുന്ന വ്യക്തിയാണ് അദ്ദേഹം.
അന്താരാഷ്ട്ര ചലച്ചിത്ര മേള ഉള്പ്പെടെയുള്ളവയുടെ സംഘാടനത്തില് പ്രിയങ്കയുടെ യുവത്വവും ജോയ് മാത്യുവിന്റെ അനുഭവസമ്പത്തും അക്കാദമിയുടെ പ്രവര്ത്തനങ്ങള്ക്ക് പുതിയ ദിശാബോധം നല്കുമെന്ന പ്രതീക്ഷയിലാണ് സിനിമാ ലോകം.
