മുംബൈ : പ്രധാനമന്ത്രി നരേന്ദ്ര മോദിയെ കടന്നാക്രമിച്ച് കോക്ക്റോച്ച് ജനതാ പാർട്ടി (സിജെപി) സ്ഥാപകൻ അഭിജീത് ദിപ്കെ. പ്രധാനമന്ത്രി പദവി വിട്ട് സമൂഹമാധ്യമങ്ങളിലെ ഇൻഫ്ലുവൻസർ ആയിക്കോളൂ എന്നാണ് ദിപ്കെയുടെ വിമർശനം. ജന്തർ മന്തറിൽ 36 ദിവസം നീണ്ട പ്രതിഷേധത്തിനുശേഷം സ്വദേശമായ ഛത്രപതി സംഭാജിനഗറിലേക്ക് മടങ്ങിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
“36 ദിവസത്തെ ജന്തർ മന്തർ പ്രതിഷേധത്തിനുശേഷം ഒടുവിൽ വീട്ടിലെത്തിയതിൽ അതിയായ സന്തോഷമുണ്ട്. ഇത്രയും നീണ്ട സമരത്തിനുശേഷം സ്വന്തം വീട്ടിൽ സമാധാനത്തോടെ ഉറങ്ങാനും അമ്മ പാകം ചെയ്യുന്ന ഭക്ഷണം കഴിക്കാനും കഴിയുന്നതിൽ വളരെ സന്തോഷമുണ്ട്” എന്നായിരുന്നു ദിപ്കെയുടെ ആദ്യ പ്രതികരണം.
യുവാക്കളെ അഭിസംബോധന ചെയ്തുകൊണ്ടുള്ള മോദിയുടെ ഇൻസ്റ്റഗ്രാം വിഡിയോകൾ കണ്ടിട്ടുണ്ടോ എന്ന ചോദ്യത്തിന്, “അദ്ദേഹം ഒരു ഇൻഫ്ലുവൻസർ ആയാൽ നന്നായി ചെയ്യുമെന്നാണ് ഞാൻ കരുതുന്നത്” എന്നായിരുന്നു ദിപ്കെയുടെ മറുപടി.
പരീക്ഷാ തട്ടിപ്പുകാർക്കുള്ള ശിക്ഷ കടുപ്പിക്കാൻ ലോക്സഭ പാസാക്കിയ ഭേദഗതി ബില്ലിനെയും ദിപ്കെ വിമർശിച്ചു. “ഇന്ന് പാസാക്കിയ ബില്ലിനെ സംബന്ധിച്ച്, ഇനിയും ഇത്തരം ബില്ലുകൾ പാസാക്കപ്പെടുമെന്ന് ഞാൻ വിശ്വസിക്കുന്നു. എന്നാൽ സർക്കാരിന്റെ ഉദ്ദേശ്യം മാറാത്തിടത്തോളം കാര്യമായി ഒന്നും മെച്ചപ്പെടില്ല” എന്നായിരുന്നു അദ്ദേഹത്തിന്റെ പ്രതികരണം.
വിദ്യാർഥികൾക്കും പ്രതിഷേധക്കാർക്കുമെതിരെ രജിസ്റ്റർ ചെയ്ത കേസുകൾ പിൻവലിച്ചില്ലെങ്കിൽ കൂടുതൽ വലിയ പ്രക്ഷോഭം ആരംഭിക്കുമെന്നും ദിപ്കെ മുന്നറിയിപ്പ് നൽകി. “വിദ്യാർഥികൾക്കെതിരായ എഫ്ഐആറുകൾ പിൻവലിക്കുന്നില്ലെങ്കിലും അവർക്കെതിരായ പീഡനം തുടരുകയാണെങ്കിലും ഞങ്ങൾ വീണ്ടും പ്രക്ഷോഭം ആരംഭിക്കും.
ധർമേന്ദ്ര പ്രധാന്റെ രാജികൊണ്ട് മാത്രം സ്ഥിതി ശാന്തമാകുമെന്ന് സർക്കാർ കരുതുന്നുവെങ്കിൽ അത് തെറ്റാണ്. യുവാക്കൾക്കിടയിൽ വലിയ രോഷമുണ്ട്, ആവശ്യമെങ്കിൽ അടുത്ത പ്രക്ഷോഭം ഇതിലും വലുതായിരിക്കും” എന്ന് അദ്ദേഹം പറഞ്ഞു.
പ്രതിഷേധത്തിനിടെ പെല്ലറ്റ് ഗൺ ഉപയോഗിച്ചെന്ന റിപ്പോർട്ടുകളിൽ അന്വേഷണം വേണമെന്നും ദിപ്കെ ആവശ്യപ്പെട്ടു. വിദ്യാർഥികളാണ് ഇന്ത്യയുടെ ഭാവിയെന്നും അവർ ഭീകരവാദികളല്ലെന്നും അദ്ദേഹം കൂട്ടിച്ചേർത്തു.
മുഖ്യ ന്യായാധിപൻ സൂര്യ കാന്ത് തൊഴിലില്ലാത്ത യുവാക്കളെ “കൂറകൾ” (പാറ്റകൾ) എന്ന് വിശേഷിപ്പിച്ചതിനെതിരായ പ്രതികരണമായി 2026 മേയ് 16നാണ് അഭിജീത് ദിപ്കെ കോക്ക്റോച്ച് ജനതാ പാർട്ടിക്ക് രൂപം നൽകിയത്. പിന്നീട് നീറ്റ് ചോദ്യപേപ്പർ ചോർച്ചയ്ക്കെതിരായ പ്രതിഷേധത്തിലൂടെയാണ് സംഘടന വ്യാപക ശ്രദ്ധ നേടിയത്.
Disclaimer:
“The images and content displayed on this website are used for news reporting, informational, and editorial purposes. Some images, videos, and media may be sourced from external platforms such as Google Images, Instagram, Facebook, X (Twitter), news agencies, official sources, and other publicly available internet sources. We do not claim ownership of third-party content unless explicitly stated.”
“പെണ്കോന്തന് പോസ്റ്റ് നീക്കി ലക്ഷ്മി മേനോന്” സൂപ്പര് ഹിറ്റായ ആ സിനിമയില് ഒന്നിച്ച അഭിനയിച്ച ആ മൂന്ന് പ്രമുഖ നടന്മാരും അവരുടെ ഭാര്യമാരും സംശയനിഴലില് ? എടുത്തിട്ടലക്കി സോഷ്യല് മീഡിയ
