ശബരിമല തീർഥാടനം: 600 ബസ്സുകൾ വാടകയ്ക്കെടുക്കാൻ KSRTC; സ്വകാര്യ ബസ്സുകൾക്കും അവസരം; ടെണ്ടർ ക്ഷണിച്ചു

തിരുവനന്തപുരം: ശബരിമല മണ്ഡല-മകരവിളക്ക് മഹോത്സവ സീസണിലേക്ക് സർവീസ് നടത്തുന്നതിനായി ബസുകൾ വാടകയ്ക്കെടുക്കാൻ കെഎസ്ആർടിസി. 600 നോൺ-എസി ബസുകൾ വാടകയ്ക്കെടുക്കാൻ കെഎസ്ആർടിസി ടെൻഡർ ക്ഷണിച്ചു. ‘വെറ്റ് ലീസ്’ വ്യവസ്ഥയിലായിരിക്കും ബസുകൾ വാടകയ്ക്കെടുക്കുക. കെഎസ്ആർടിസി നേരിടുന്ന രൂക്ഷമായ ബസ് ക്ഷാമം പരിഹരിക്കുന്നതിന്റെ ഭാഗമായാണ് ഈ അടിയന്തര നീക്കം.

Also Read രാധാകൃഷ്ണന്‍ കാലുമാറിയാല്‍ ബിജെപി ഭരണം തെറിക്കും; തിരുവനന്തപുരം കോര്‍പ്പറേഷനില്‍ അവിശ്വാസത്തിന്റെ ചൂടേറുന്നു

സെപ്റ്റംബർ മാസത്തോടെ കെഎസ്ആർടിസിയുടെ രണ്ടായിരത്തോളം ബസുകളുടെ കാലാവധി പൂർത്തിയാവുകയാണ്. മുൻപ് കേന്ദ്ര സർക്കാർ നയം മറികടന്ന് 1,917 ബസുകൾക്ക് സംസ്ഥാന സർക്കാർ ഫിറ്റ്നസ് പുതുക്കി നൽകിയിരുന്നു. എന്നാൽ കാലാവധി കഴിഞ്ഞ ഈ ബസുകൾ ഇനി സർവീസിന് ഉപയോഗിക്കരുതെന്നും അവ പൊളിച്ചുനീക്കണമെന്നും കാണിച്ച് കേന്ദ്ര ഗതാഗത മന്ത്രാലയം സംസ്ഥാന ഗതാഗത സെക്രട്ടറിക്ക് കത്ത് നൽകിയിട്ടുണ്ട്. ഇതിനു പിന്നാലെയാണ് ബസുകളുടെ ലഭ്യതയിൽ കടുത്ത പ്രതിസന്ധി ഉടലെടുത്തത്.

നവംബർ 10 മുതൽ 2027 ജനുവരി 20 വരെയാണ് ബസുകൾ വാടകയ്ക്ക് എടുക്കുന്നത്. ക്രിസ്മസ്, ശബരിമല, പുതുവത്സര സീസണുകൾ മുന്നിൽക്കണ്ടാണ് നടപടി. കഴിഞ്ഞ ആഴ്ച 6 മാസത്തേക്ക് 63 എസി ബസുകൾ വാടകയ്ക്ക് എടുക്കുന്നതിന് കെഎസ്ആർടിസി കരാർ ക്ഷണിച്ചിരുന്നു.

You May Also Like സൗജന്യ പദ്ധതിയുടെ പേരിൽ വെട്ടിപ്പ് ആരോപണം, പുരുഷനെ സ്ത്രീയാക്കുമെന്ന വാഗ്ദാനവുമായി തട്ടിപ്പ്? പ്രിയദർശിനി ബസുകളിലും ക്രമക്കേട്;