തിരുവനന്തപുരം: മുഖ്യമന്ത്രിക്കെതിരെ ഡിവൈഎഫ്ഐ സംസ്ഥാന സെക്രട്ടേറിയറ്റ് അംഗം വി. അനൂപ് നടത്തിയ പരാമർശം വിവാദത്തിൽ. സെക്രട്ടേറിയറ്റ് മാർച്ചിനിടെയാണ് മുഖ്യമന്ത്രിയെ വിമർശിച്ച് അനൂപ് സംസാരിച്ചത്. മത്സ്യത്തൊഴിലാളികൾ ക്രിസ്ത്യൻ വിഭാഗത്തിൽപ്പെട്ടവരായതിനാൽ അവിടേക്ക് പോകേണ്ടത് രണ്ട് ക്രിസ്ത്യൻ മന്ത്രിമാരാണെന്ന തെറ്റായ ധാരണയാണ് മുഖ്യമന്ത്രിക്കുള്ളതെന്ന് അനൂപ് ആരോപിച്ചു. ഇതിന് പിന്നാലെ മുഖ്യമന്ത്രിക്കെതിരെ അധിക്ഷേപകരമായ പരാമർശവും അദ്ദേഹം നടത്തിയതായാണ് റിപ്പോർട്ട്. അനൂപിന്റെ പരാമർശത്തിനെതിരെ ഇതുവരെ പൊലീസിൽ പരാതി ലഭിച്ചിട്ടില്ല. മത്സ്യത്തൊഴിലാളികൾ നേരിടുന്ന ദുരിതങ്ങളിൽ സർക്കാർ വേണ്ടത്ര ഇടപെടുന്നില്ലെന്നും അനൂപ് വിമർശിച്ചു. മത്സ്യത്തൊഴിലാളികളുടെ പ്രശ്നങ്ങൾ പരിഹരിക്കുന്നതിൽ