മോഹൻലാൽ നായകനായി വിഷ്ണു മോഹൻ സംവിധാനം ചെയ്യുന്ന ചിത്രം ആഗസ്റ്റിൽ ജോർജിയയിൽ ചിത്രീകരണം തുടരും . എൽ 367 എന്ന് താത്കാലികമായി പേരിട്ട ചിത്രം വമ്പൻ ക്യാൻവാസിൽ ഒരുങ്ങുന്നു. തെന്നിന്ത്യൻ താരം ഭാഗ്യശ്രീ ബോർസെയെ നായികയായി പരിഗണിക്കുന്നുണ്ട്. ഭാഗ്യശ്രീയുടെ മലയാള അരങ്ങേറ്റംകൂടിയാണ്. പാഹൽ ഗാം ഭീകരാക്രമണങ്ങളും തുടർ നടപടിക്രമങ്ങളുമാണ് ചിത്രത്തിന്റെ പ്രമേയം.
കേരളത്തിൽ സ്വർണവില താഴോട്ട്; ഇന്നത്തെ നിരക്ക് വിവരങ്ങൾ ഇങ്ങനെ
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ചിത്രത്തിന് വിദേശത്തുനിന്നും ബോളിവുഡിൽ നിന്നുമുള്ള താരങ്ങളും സാങ്കേതിക പ്രവർത്തകരും ഉൾപ്പെടെ അണിനിരക്കും . ശ്രീ ഗോകുലം മുവീസ് നിർമ്മിക്കുന്ന ഏറ്റവും വലിയ ചിത്രങ്ങളിൽ ഒന്നായാണ് ഒരുങ്ങുന്നത്. മേപ്പാടിയാൻ എന്ന തന്റെ ആദ്യ ചിത്രത്തിലൂടെ തന്നെ ദേശീയ പുരസ്കാരം സ്വന്തമാക്കി ശ്രദ്ധ നേടിയ സംവിധായകനാണ് വിഷ്ണു മോഹൻ. എൽ 367 ന്റെ രചനയും വിഷ്ണുമോഹൻ ആണ്.
ചിത്രത്തിന്റെ കോ പ്രൊഡ്യൂസർമാർ ബൈജു ഗോപാലൻ, വി.സി. പ്രവീൺ, എക്സിക്യൂട്ടീവ് പ്രൊഡ്യൂസർ കൃഷ്ണമൂർത്തി.അതേസമയം തരുൺമൂർത്തി സംവിധാനം ചെയ്യുന്ന മോഹൻലാൽ ചിത്രം അതിമനോഹരം ഈ മാസം പാക്കപ്പ് ആകും. ക്രിസ്മസ് റിലീസായി ഡിസംബർ 24ന് തിയേറ്ററുകളിൽ എത്തും. മീര ജാസ്മിൻ ആണ് നായിക. തുടക്കം, ഖലീഫ, ഹൈവാൻ, ജയിലർ 2 എന്നീ ചിത്രങ്ങളിലെ അതിഥി വേഷങ്ങളാണ് മോഹൻലാൽ ആരാധകർക്ക് വിരുന്ന് ഒരുക്കാൻ എത്തുന്നത്. തുടക്കം ആഗസ്റ്റ് 7 നും ഖലീഫ ആഗസ്റ്റ് 20 നും ഹൈവാൻ സെപ്തംബർ 11 നും ജയിലർ 2 ഒക്ടോബർ 15 നും റിലീസ് ചെയ്യും. നാല് ചിത്രങ്ങളിൽ എക്സറ്റൻഡ് ക്യാമിയോയായി മോഹൻലാൽ എത്തുന്നതിന്റെ ആവേശത്തിലാണ് ആരാധക ലോകം.
സ്പെയിനിന് ലോക റെക്കോർഡ് : ഒരു ഗോൾ പോലും വഴങ്ങാതെ 609 മിനിറ്റുകൾ
