നാഗ്പുര്: നിയമനടപടികൾ മുന്നോട്ടുപോയാലും, സംഭവിച്ച നഷ്ടം നികത്താനാകില്ല അവർക്ക് ഇനി മകളെ തിരികെ കിട്ടില്ല. എന്നാല് നീതി കിട്ടുമെന്ന പ്രതീക്ഷയിലാണ് ഇപ്പോഴും ആകാംക്ഷ ചതുര്വേദിയുടെ അമ്മ നീലം ചതുര്വേദി. കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാന് രാജി വെച്ചതിലൂടെ തങ്ങള്ക്ക് നഷ്ടപ്പെട്ട മകളെ തിരികെ ലഭിക്കില്ലെന്നും, ചോദ്യപ്പേപ്പര് ചോര്ച്ചയ്ക്ക് കാരണക്കാരായ കുറ്റവാളികള്ക്ക് വധശിക്ഷ നല്കണമെന്നും നീലം ചതുര്വേദി ആവശ്യപ്പെടുന്നു. നീറ്റ് പരീക്ഷ റദ്ദാക്കിയതിനെ തുടര്ന്ന് മെയ് 20നാണ് ആകാംക്ഷ ജീവനൊടുക്കിയത്.
ഖമേനിയുടെ സംസ്കാര ചടങ്ങ്: കേന്ദ്രമന്ത്രി പബിത്ര മാർഗരിറ്റയും ബിഹാർ ഗവർണറും പങ്കെടുക്കും
മധ്യപ്രദേശില് നിന്നുള്ള ആകാംക്ഷ ചതുര്വേദി നാഗ്പൂരിലെ പരിശീലന കേന്ദ്രത്തില് ചേര്ന്നാണ് നീറ്റ് പരീക്ഷയ്ക്കായി തയ്യാറെടുത്തിരുന്നത്. മെയ് 3ന് നടന്ന പരീക്ഷയ്ക്ക് ശേഷം 650ലേറെ മാര്ക്ക് നേടാനാകുമെന്ന ഉറച്ച പ്രതീക്ഷയിലായിരുന്നു ആകാംക്ഷ. എന്നാല് ചോദ്യപ്പേപ്പര് ചോര്ന്നെന്ന വാര്ത്തകളും തുടര്ന്നുണ്ടായ അനിശ്ചിതത്വങ്ങള്ക്കും പിന്നാലെ പരീക്ഷ റദ്ദാക്കിയതോടെ ഈ 18കാരി മാനസികമായി തകര്ന്നു. വീണ്ടും പരീക്ഷയെഴുതാനുള്ള ധൈര്യം നഷ്ടപ്പെട്ട ആകാംക്ഷ ജീവനൊടുക്കുകയായിരുന്നു.ചോദ്യപ്പേപ്പര് ചോര്ത്തുന്ന മാഫിയകള്ക്കും കുറ്റവാളികള്ക്കും വധശിക്ഷ നല്കുന്നതുപോലുള്ള കര്ശന നടപടികള് ഉണ്ടായാല് മാത്രമേ ഭാവിയില് മറ്റൊരു കുട്ടിക്കും ഈ ഗതി വരാതിരിക്കൂ എന്നാണ് ഈ അമ്മ പറയുന്നത്
ഗഡ്കരിയിൽ നിന്ന് അണ്ണാ ഹസാരെയിലേക്കും, ഇന്ന് അഭിജീത് ദീപ്കെയിലേക്കും: ഡൽഹിയുടെ തെരുവുകളിൽ നിന്ന് ഉയരുന്ന പുതിയ ശബ്ദം: ആപ്പ് പോലെ സിജെപിയും ഇജെപിയും, ഈ കണക്കിലുണ്ട് ആ കാര്യങ്ങള്
