തിരുവനന്തപുരം: സംസ്ഥാനത്തെ ഐഎഎസ് ഉദ്യോഗസ്ഥർക്ക് പുതിയ ചുമതലകളും അധികച്ചുമതലകളും നൽകി സർക്കാർ ഉത്തരവിറക്കി. ഭരണനിർവ്വഹണം കൂടുതൽ കാര്യക്ഷമമാക്കുന്നതിന്റെ ഭാഗമായാണ് ഉദ്യോഗസ്ഥ തലത്തിൽ സുപ്രധാന മാറ്റങ്ങൾ വരുത്തിയിരിക്കുന്നത്.
എമ്പുരാനില് കുടുങ്ങിയ മോഹന്ലാല് ഇപ്പോഴിതാ കോക്രോച്ചില് കുടുങ്ങി വിസ്മയയും, അച്ഛനും മകള്ക്കുമെതിരെ സൈബര് ആക്രമണം
വിവിധ വകുപ്പുകളുടെ പ്രവർത്തനങ്ങൾക്ക് വേഗം കൂട്ടാൻ ലക്ഷ്യമിട്ടുള്ള പുതിയ ഉത്തരവിലെ പ്രധാന മാറ്റങ്ങൾ താഴെ പറയുന്നവയാണ്:
പ്രധാന നിയമനങ്ങളും അധികച്ചുമതലകളും:
മലയാള സിനിമയിലെ പ്രമുഖരുമായി ബാലഗോപാലിനുള്ള അടുത്ത സൗഹൃദത്തിന്റെ ആഴം വെളിപ്പെടുത്തുന്ന അമേരിക്കന് യാത്ര; മെസിയെ കണ്ടു കൈയ്യടിക്കാനുള്ള മോഹന്ലാലിന്റെ അമേരിക്കന് ഫുട്ബോള് യാത്രയില് തിളങ്ങി ബാലഗോപാല്: സ്വകാര്യ ജെറ്റിലെ മുഖ്യ സഹയാത്രികനായി ദേവി ഫാര്മ ഉടമ
എൻ. പ്രശാന്ത്: സ്പോർട്സ്, യുവജനകാര്യം, മ്യൂസിയം, മൃഗശാല, പുരാവസ്തു, ആർക്കൈവ്സ് വകുപ്പുകളുടെ സ്പെഷൽ സെക്രട്ടറിയായി സ്വതന്ത്ര ചുമതല നൽകി.
മിൻഹാജ് ആലം: നിലവിൽ ആഭ്യന്തര വകുപ്പ് അഡിഷനൽ ചീഫ് സെക്രട്ടറിയായ ഇദ്ദേഹത്തിന് കയർ വകുപ്പിന്റെ അധികച്ചുമതല കൂടി സർക്കാർ കൈമാറി. മന്ത്രി രമേശ് ചെന്നിത്തലയുടെ കീഴിലുള്ളതാണ് ഈ രണ്ട് വകുപ്പുകളും.
എസ്. സുഹാസ്: ജലവിഭവ വകുപ്പിന്റെ ചുമതലയ്ക്ക് പുറമെ, ഭവന വകുപ്പ് സ്പെഷൽ സെക്രട്ടറിയായും കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡവലപ്മെന്റ് കോർപറേഷൻ (KIIDC) മാനേജിങ് ഡയറക്ടറായും അധികച്ചുമതല വഹിക്കും.
ഷർമിള മേരി ജോസഫ്: ആരോഗ്യ പ്രിൻസിപ്പൽ സെക്രട്ടറിയായ ഇവർക്ക് ആയുഷ് വകുപ്പിന്റെ പൂർണ്ണമായ അധികച്ചുമതല കൂടി നൽകിയിട്ടുണ്ട്.
പുനീത് കുമാർ: നിലവിൽ ഡൽഹിയിലെ കേരള റസിഡന്റ് കമ്മിഷണറായ ഇദ്ദേഹത്തിന് സംസ്ഥാനാന്തര ജല വിഷയങ്ങളുടെ നിർണായകമായ അധികച്ചുമതല കൂടി സർക്കാർ നൽകി.
